Notísia foun


Timor Post (09/03/2021)—Ekipa konjunta kompostu husi professional saúde no polísia to’o kalan ne’e evakua tan pasiente COVID-19 hamutuk na’in-5 ba sala izolaentu Vera Kruz, Dili.

Ema na’in-5 ne’e identikadu hetan moras daet COVID-19 hafoin médiku sira halo swap ba ema hirak halo kontaktu daet husi kazu dahuluk iha BTN2-Aldeia Terra Santa-Tasi Tolu no Bebonuk.

Fonte kredivel haktuir ema na’in-5 hetan evakuasaun ne’e ho idade hahú husi 33 to’o 55.

Ema na’in-5 ne’e ekipa konjunta ba foti iha fatin la hanesan, inklui foti iha Bebonuk, Fomentu-1, Beto, Lurumata no Ai-Mutin.

Dadus ne’ebé Timor Post rekolla iha sítiu online mundiál haktuir, Timor Leste rejista ona kazu hamutuk 142 sura husi fulan Marsu 2020. Husi total ne’e pasiente na’in 94 maka rekopera na’in-48 mak izola hela iha sala izolamentu Vera Kruz, Dili.

Nune’e, bainhira aumenta tan pasiente na’in-5 iha kalan ne’e maka total pasiente bele sa’e ba 53.

Informasaun ne’e Timor Post sei halo konfirmasaun ho parte Sentru Integradu Jestaun Krize (SIJK) iha loron Kuarta (10/03/2021) iha Sala Situasaun, CCD.

Jornalista Jaime Pires

Editór Noémio Falcão

Please follow and like us:

NOTÍSIA FOUN

Site Statistics

  • Users online: 1 
  • Visitors today : 75
  • Page views today : 84
  • Total visitors : 240,252
  • Total page view: 346,574