Notísia foun

Ministru Prezidénsia Konsellu Ministru, Fidélis Leite Magalhães

Timor Post (10/02/2021)— Konsellu Ministru (KM) hahú ona diskusaun hodi halo aliterasaun daneen ba projetu lei n°.7/2006, loron 28 fulan-dezembru, ne’ebé aprezenta husi, Ministériu Administrasaun Estatál (MAE) atu bele introdús rekizitu iha eleisaun prezidensiál 2022-2027.

Tuir Ministru Prezidénsia KM, Fidélis Magalhães haktuir opsaun ne’ebé diskute iha KM maka kona-ba kandidatura ba PR presiza aprezenta atestadu médiku no rejistu kriminál, nune’e bele sertifika kandidatu sira prienxe duni kritériu refere.

“Kandidatura ba Prezidente mós se bele iha rekizitu la’ós de’it buat ne’ebé hatuur tiha ona kona-ba rekizitu rejistu kriminál nian, maibé mós rekizitu saúde. Ne’e ideas hirak ne’ebé mak aborda, seidauk iha aprovasaun apenas diskusaun de’it, se bainhira proposta mai fali karik, maka ita sei bele ko’alia bazeia ba dokumentu ne’ebé submete. Agora ne’e aprezentasaun jerál par orienta Governu nia hanoin ba iha ne’ebá”dehan Ministru Fidélis, Kuarta (10/02) iha Palásiu Governu.

Ministru adianta opsaun seluk ne’ebé diskute mós iha reuniaun oinsá atu hakbesik liután sentru votasaun sira to’o iha aldeia, nune’e bele fasilita sidadaun sira bele ezerse sira-nia direitu demokrátika.

Portavós Governu dehan jornalista sira bele vota iha ne’ebé de’it, importante mak tenke iha koordena ho Sekretariadu Tékniku Administrasaun Eleitorál (STAE).

“Ezemplu simples ida, se eleisaun prezidensiál tuir mai atu fatin votasaun sira-ne’e, bainhira jornalista sira ba halo kobertura imi mós bele vota iha fatin ne’ebé imi halo kobertura ba, sem nesessáriamente tenke vota iha fatin ne’ebé hatuur tiha ona iha imi-nia kartaun eleitorál,” adianta Ministru

Alem ne’e, iha proposta ida-ne’e, sei ko’alia mós kona-ba oras abertura sentru votasaun sira, hahú loke tuku 6 par votasaun bele hahú iha tuku 7.

Maski nune’e Fidelis hatete opsaun polítika-lejizlativa ne’e seidauk aprovasaun husi KM, tanba atu fahe de’it informasaun ba membru governu sira.

Jornalista            : Jaime Pires

Editor                    : Mariano Martins

Please follow and like us:

NOTÍSIA FOUN

Site Statistics

  • Users online: 1 
  • Visitors today : 38
  • Page views today : 41
  • Total visitors : 196,199
  • Total page view: 283,613

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur