Notísia foun


Timor Post (09/02/2021)—Pasiente moras daet COVID-19 iha sala izolamentu Vera Kruz, Dili, sa’e ba 28 hafoin deteta tan estranjeiru na’in-6. Inkuantu iha Oekusi kontinua rejista pasiente na’in-1. Sura hamutuk pasiente baixa atuál 29.

Koordenadora Jerál Komisaun Nasionál Prevensaun COVID-19, Odete da Silva Viegas fó sai liuhosi konferénsia imprensa iha salaun Ministériu Saúde, Kaikoli, Dili, Tersa (09/02/2021), haktuir, pasiente foun na’in-neen ne’e tama iha kategoria asimtomátiku.

Pasiente na’in neen ne’e, kompostu hosi feto na’in-haat ida-idak ho tinan 61, 45, no na’in-rua ho tinan hanesan 34. No mane na’in-rua ho tinan 53 no ida seluk tinan tolu.

Odete haktuir, pasiente na’in-neen ne’e, na’in lima nu’udár família ida halo viajen hosi Jakarta- Indonézia mai Kupang ho Garuda Airlines, kontinua viajen mai Atambua no iha loron 30 janeiru, sira tama Timor-Leste liuhosi pontu entrada Batugade, to’o Dili sira submete ba auto-kuarentena iha White Sand Metiaut.

Alende ne’e, sidadaun ida seluk, feto ho tinan 34 ne’ebé halo viajen hosi Betun ba Atambua, depois hosi Atambua mai Timor-Leste iha loron 28 janeiru tama liu hosi fronteira Batugade, hosi Batugade mai Dili ho motorizada (ojek) tanba ema ne’e tama ilegál no iha Dili hela ho família iha Beto, Komoro, Dili.

Maski nune’e, Odete haktuir, banhira to’o Beto, familia sira la permiti tama ba uma laran no halo kedas kontaktu ba ekipa vizilánsia no lori kedan ba submete kuarentena iha Tibar hamutuk ho totál pasajeiru na’in-23. (cao)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 82
  • Page views today : 94
  • Total visitors : 240,259
  • Total page view: 346,584