Notísia foun


Timor Post (15/01/2021)—Prezidente Komisaun espesializada ne’ebé  trata asuntu justisa no konstituisaun, Deputadu Joaquin dos Santos, husu ba governu atu kontra jogu kasino, slot mesin no lotaria ne’ebé karik halo atividade ilegál (ilísitu).

Deputadu Bankada FRETILIN afirma objetivu Governante ba ukun atu fó benefísiu ba Povu, tanba ne’e mak kualkér instrumentu ne’ebé mak produs efeitus atu prezudika sidadaun sira nia diretu, governu tenke foti medias forte.

“Kompañia sira ne’ebé loke jogu, tenke iha obrigasaun kumpre regra sira ne’ebé mak estabelese ona no labele kria fali konflitu, atu nune’e ema seluk ne’ebé mak la hatene buat ida sai fali vítima. Governu Kontrola ne’e tenke kontrola duni, se taka di’ak liu taka tiha, se hakarak loke tenke kontrola didi’ak, nune’e labele fó marjen para públiku hetan afeta ba kestaun étika no moral ne’ebé mak halo susar família sira. Kuandu indivíduu ida hetan problema tanba Jogu, família sira mós sofre hotu, entaun kuandu Governu kontrola ne’e, tenke kontrola duni, labele kontrola kois-kois de’it fali”, Joaquin alerta, iha PN, Sesta (15/01).

 Tuir Joaquim regras kontrolu ne’e Governu tenke haree didi’ak, labele halo kompañia nia-na’in mak riku matak de’it, depois ita nia Estadu mak kiak fali, ne’e labele. “Se hanesan ne’e di’ak liu taka de’it”, Joaquin afirma.

Deputadu Bankada FRETILIN ne’e, hatete kompañia jogu sira ne’ebé mak la kumpre regra, tenke foti medida penal tuir lei haruka.

“La kumpre regra foti penal tuir lei haruka, governu labele halimar fali ho situasaun sira ne’e, tanba ne’e influensia ema nia moris. Se ema ne’ebé aplika lei la loos hasai tiha, Timor ne’e matenek barak, atu nune’e labele kria fali problema ba Estadu” realsa deputadu. (Jornalista : Julio Salinas Soares, Editor Mariano Martins)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 1,506
  • Page views today : 2,190
  • Total visitors : 191,766
  • Total page view: 277,553

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur