Notísia foun


Timor Post (14/01/2021)-Númeru kazu asidente tráfegu, insidente no númeru kazu krime iha Timor laran tomak iha fulan Janeiru klaran rejista hamutuk 44. Hosi númeru ne’e rejista vítima na’in 2 ida ahi soke mate no ida seluk ikan lanu mate

“Hakarak relata ba komunidade sira katak, hahú hosi dia 8 to’o 14 de Janeiru total insidente hamutuk (44) akontese iha territóriu timor laran tomak, insidente sira ne’e mak, asalta malu (11), baku malu (14), tuda malu (3), tuda uma ida, violénsia doméstika (13), ikan lanu ema ida no eletrisidade soke ema ida “, relata Portavós Polisia Nasionál Timor-Leste, Superintendente Xefe, Arnaldo Araújo, iha Komandu Jerál, Kaikoli, kinta (14/01).

Arnaldo dehan ema ne’ebé eletrisidade soke mate tanba la kuidadu an bainhira hadi’a ahi iha nia-uma, iha loron tersa feira (12/01) oras tuku hitu dadeer iha Aldeia Hali mea Suku Lalaua, Postu Administrativu Tilomar, Munsipiu Kovalima.

Vítima ne’e naran Deonizio de Jesus Amaral, idade (40), profisaun profesór, hanorin iha eskola tékniku profisionál Akar-laran.

Ida fali ikan lanu ema mate tanba konsume ikan ne’ebé mak iha ona venenu, iha Suku Parlamentu Postu Administrativu Lospalos Munisípiu Lautem, iha loron (12/01) (13:00).

Vítima mate ne’e ho naran Leonel Fernandes tinan (9), no na’in sia seluk konsege lori ba hospital Aranaldo adianta, asidente ne’ebé mak akontese iha semana ne’e nia laran hamutuk (16).(Jornalista: Jaime Pires, Editor Mariano Martins)

Please follow and like us:

NOTÍSIA FOUN

Site Statistics

  • Users online: 4 
  • Visitors today : 868
  • Page views today : 1,259
  • Total visitors : 148,944
  • Total page view: 213,770

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur