Notísia foun


Timor Post (12/01/2021)—Parlamentu Nasionál (PN) liuhusi plenária hasai ona imunidade deputadu na’in-tolu inklui deputadu António da Conceição husi Partidu Demokrátiku (PD), Deputada Maria Angelina Lopes Sarmento husi Partidu Libertasaun Popular (PLP) no Deputadu Luis Roberto husi Kmanek Haburas Unidade Timor Oan (KHUNTO).

PN foti desizaun ne’e hodi fó tempu ba deputadu na’in-tolu ba presta deklarasaun iha Ministériu Públiku (MP) relasiona ho kazu hirak ne’ebé prosesa ona liga ho reprejentante hirak ne’e.

Prosesu votasaun ba levantamentu imunidade ne’e dala-tolu ba deputadu na’in-tolu ne’e.

Deputadu António sei ba presta deklarasaun iha MP hanesan sasin iha loron 13 janeiru 2021, tuku 09.00, iha ámbitu prosesu prosesu NUC.007/19.CACTL, iha Gabinete Sentrál Kombate Korrupsaun no Kriminalidade Organizada.

Nune’e mós Deputada Maria Angelina ho Deputadu Luis Roberto sei ba presta deklarasaun iha Ministériu Públiku hanesan sasin. Ba kazu saida Timor Post seidauk konsege asesu informasaun detallu. (cao)

Please follow and like us:

NOTÍSIA FOUN

Site Statistics

  • Users online: 4 
  • Visitors today : 420
  • Page views today : 509
  • Total visitors : 193,892
  • Total page view: 280,263

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur