Notísia foun

United States and Timor-Leste East Timor two flags on flagpoles and blue cloudy sky background

Timor Post (12/01/2021)- Estadu Unidas Amerika (EUA), sei apoiu osan  montante millaun  $275   ba governu Timor-Leste, espesiál ba Ministériu Obras Publika (MOP) no Ministériu Edukasaun Juventude no Desportu (MEJD).

“Ohin ha’u mai hasoru malu ho Ministru Prezidensiál Konsellu Ministru, hodi update informasaun kona-ba apoiu ne’ebé mak Estadus Unidus Amérika atu fó mai Timor-Leste, apoiu ne’e ba projetu rua, Agua Saneamentu (SAS) ninia no Edukasaun, ho valor ne’ebé mak entre $275 milloes “, informa Diretór Ezekutivu Nasionál, Embaixadór Constâncio da Conceição Pinto ba Jornalista sira iha Palasiu Governu, tersa (12/01).

Constâncio adianta  parte embaixada nia hakarak  iha fulan Juñu nia laran parte Governu Timor-Leste asina ona akordu ho Estadus Unidus Amérika ba apoiu ne’ebé mak sira fó mai.

“Karik projetu ne’e mak asina iha fulan Juñu ne’e nia laran, sei implementa iha tinan ne’e nia laran, ho durasaun tinan lima”, haktuir Conceição.

Nia dehan karik Covid-19 ne’e mak laiha akordu ne’e asina ona iha Outubru tinan kotuk, tanba ne’e mak iha tinan kotuk, kompleta de’it estudu viabilidade ba projetu rua ne’ebé mak Estadus Unidus Amerika atu fó apoiu ne’e.

Jornalista: Jaime Pires

Editor: Mariano Martins

Please follow and like us:

NOTÍSIA FOUN

Site Statistics

  • Users online: 0 
  • Visitors today : 186
  • Page views today : 218
  • Total visitors : 240,082
  • Total page view: 346,370