Notísia foun


Timor Post (10/01/2021)- Mane timoroan ida idade (25) ho naran Tomas Pereira, ran husi Bobonaro ho Vikeke mate tanba asidente ho karreta iha Kintál Privada iha Tasmania Norte Australia, Domingu (10/1).

Mak -ku’u ai fuan (berry) ne’e nia isin-lolon hetan iha oras tuku 6 dadeer oras Australia Domingu (1/01).

Inspetór polisia Tazmánia Rut Orr, relata matebian mate tanba lakon kontrola halo negosiasaun iha dalan sikun los. Karreta baku fila dorus-aan iha bee dalan leten to’o nia monu-sai hosi janela tanba la uza sintu seguransa.

“Karreta halai sa’e ezgotu (bee dalan), namdoras iha ezgotu leten, metru 20 resin”, hatete inspetór Orr iha media lokál Australia.

Kartaun kondusaun internasionál válidu matebian iha, maibé nia la uza sintu seguransa, fatór ne’ebé inspetór hatete kontribui mós halo nia mate.

“Rekomenda ba kondutór propriedade privada ka públiku atu uza sintu bainhira kondús karreta” nia hateten.
“Sintu seguransa bele salva vida liu-liu kuandu karreta rollover (hi’it soe-aan) hanesan ne’e” hatutan tan.

Polisia mós sei halo investigasaun hodi buka tanba sá matebian ne’ebé halo knar iha kintál ne’e halai karreta iha oras kalan.

Kintál ne’ebé hatama ai fuan (berry) ba sidade Driscolls barak liu servisu hosi timoroan ho sistema kazuál.

Timoroan besik 50 maka ba rame-rame to’o nia monu fatin hodi presta sentidu kondolénsias.

Matebian servisu hamutuk ho nia primu, nia mate husik hela fen iha TL. Ispetor Orr mos hateten nia maluk timoroan ne’ebé sira servisu hamutuk mós arrepende ba nia mate tanba matebian kuaze koñesidu nu’udar jestór kintál nian.

Atu haruka mate isin ho naran Tomas mai timor, Inspetór Orr dehan servisu ona ho embaixadór TL iha Australia.

Editor Mariano Martins

Please follow and like us:

NOTÍSIA FOUN

Site Statistics

  • Users online: 3 
  • Visitors today : 884
  • Page views today : 1,285
  • Total visitors : 148,960
  • Total page view: 213,796

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur