Notísia foun


Timor Post (05/01/2020)-Bankada governu KHUNTO liu hosi deklarasaun polítika iha Parlamentu Nasionál konsidera ai han ne’ebé governu fahe ba komunidade iha programa sesta bázika  la saudavel.

Deklarasaun ne’e hato’o hosi  Deputadu Antonio Verdial, liu hosi deklarasaun polítika tinan foun 2021 iha PN,  Tersa (05/01).

 ” Batar, foos, manu tolun, koto mean, fore-keli, fore mungu ne’e ha’u atu hatete katak ai han hirak ne’e balu ladún saudavel ona, buat hirak ne’e atan ha’u haree no observa rasik ho matan”, hatete Deputadu Antonio.

Nia deklara povu ne’ebé sasin hamutuk ho nia hameno, atu reprezentante labele nonook de’it, hodi dehan povu moos iha dignidade, hahán liu prazu labele lori ba fahe.

  Nu’udar reprezentante povu nia defende povu nia halerik no fó hanoin ba governu atu hadi’a an hodi serbí povu.

 Deputada Virginia Ana Belo, hosi bankada opozisaun apoiu deklarasaun polítika KHUNTO nian tanba  haree ho objetividade duni saida mak akontese iha distribuisaun sesta bázika ne’ebé durante ne’e CNRT kestiona ona.

“Ha’u apoiu tebes kona ba deklarasaun polítika partidu KHUNTO, durante ne’e CNRT inklui populasaun mós kestiona kona ba ida ne’e, tanba ai han sesta bázika governu fahe laiha ida ne’e governu tenke toma atensaun”, dehan Ana Belo.

Reprezentante povu sira hakarak governu tenke fó ho di’ak, fó hahán ne’ebé saudavel, fó hahán ne’ebé bele ajuda duni ema iha situasaun difisil.

Jornalista: Julio Salinas Soares

Editor: Mariano Martins

Please follow and like us:

NOTÍSIA FOUN

Site Statistics

  • Users online: 1 
  • Visitors today : 1,490
  • Page views today : 2,164
  • Total visitors : 191,750
  • Total page view: 277,527

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur