Notísia foun


Timor Post (28/12/2020)—Ministériu Saúde liuhusi Dermatolojista Koordenadora Jerál COVID-19, Dra. Odete da Silva Viegas informa, pasiente ba moras daet COVID-19 sa’e ba ema na’in 13.

Liuhusi konferénsia ba imprensa, Dra. Odete haktuir, dadus ne’ebé rejista to’o loron 27/12/2020, kazu foun ema na’in-4 hafoin iha loron 24/12/2020 rejista ema na’in-9.

Dra. Odete klarifika, Total númeru  Teste   hamutuk 16324, hein resultadu        hamutuk  397, total komulativu kazu 44. Husi total ne’e, atualmente pasiente na’in-13 mak iha hela sala izolamentu iha Dili no Oekusi.

Total karantina hamutuk 349 (Dili :279, Municipio:  70), auto karantina hamutuk 136 (Dili: 129 Municipio: 7), pasa karantina 14 dias hamutuk 6813 (Dili:  5641, Municipio:  1172).

Tuir mai update kazu positivu (27 de Dezembru 2020)

  1. Mane ida ho idade 26, Hatudu sintomas ho isin manas 38,6 gradu, isin moras no kolen. Mane ida ho idade 35, laiha Sintomas ruma.

Mane ida fali ho Idade 42, laiha sintomas. Sira Nain 3 viajem husi UK- 20 Dezembru ho aviaun Qatar Airlines to’o iha Doha, oras rua transit fali Husi Doha ba Malaysia iha data nebe hanesan dia 20 Dec 2020 ho aviaun Qatar Airlines, to’o iha Malaysia iha dia 21 Dec 2020, oras 24:00am.  Toba iha waiting room Airportu Malaysia. Sai husi Kuala Lumpur, Malaysia mai Dili, TLS iha dia 22 Dec 2020 ho aviaun AirAsia.  Sidadaun Pakistan ida ho idade 33, laiha Sintomas

Ema Pakistan ne halo viajem husi Pakistan ba Doha ho Aviaun Qatar Airlines, no kontinua ho Aviaun hanesan mai Malaysia iha loron 21 Dezembru no Mai Dili ho Aviaun Air Asia iha loron 22 Dezembru 2020.

Wainhira Aviaun Air Asia atu aranka mai Timor, Crew Aviaun Simu Informasaun katak iha Pasajeru ida nebe’e detekta Pozitivu COVID-19 no nain 2 seluk nebe’e la iha dokumentu husi Teste PCR nian. Iha momentu neba’a deside kansela viajem ba kazu positivu ne’e no hirak nebe’e laiha dokumentu resultadu PCR.

Kazu positive 24/12/2020

  1. Passajeru ho idade 34 anos, Sexo: Feto, asimtomatik.

Passajeru ho idade 46 anos, Sexo: Mane, Asintomatik.

Passajeru ho idade 63 anos, Sexo: Feto

Passajeru hirak nebe’e positive ne’e halo viagem husi

Lisboa – Portugal – Doha – Dili, TL iha dia 14 Dezembru 2020, Euro Atlantic

Total passajeru nebe mai iha dia 14 Dez 2020 hamutuk 144 pessoas.

No passajeru nebe quarantine iha Tasi Tolu hamutuk : 66 no iha auto-quarentena hamutuk : 63

No 15 pessoas husi crew aviaun Euro Atlantic, toba kalan ida iha Hotel Timor no arangka fali ba Portugal iha dia 15 Dezembru 2020.

Passejeru nain 3 nebe’e positivu ne’e hala’o sira nia quarentena iha Tasi Tolu hamutuk ho Passajeru 168 sira seluk (103 husi Frontera Batugede no husi 63 nebe’e mai hamutuk ho Aviaun Aero Atlantic) Total iha tenpu neba 171 pessoas.

Swab foti iha dia 22 Dezembru 2020

Resultadu positive relata iha dia 24 Dezembru 2020

Passajeru refere iha ona fatin izolamentu Vera Cruz.

Kazu Pozitivu 23/12/20 OECUSE-RAEOA

  1. Husi RAEOA Oekusse mos detekta Kazu positivu nain 3 iha loron 23 Dezembru 2020. Mane Timor Oan ida ho idade 22, Estudante, iha defisiensia Matan nebe’e hetan kaptura husi Polisia UPF iha area frontera Oesilo iha loron 11 Dezembru 2020.

Mane Timor oan ida ho idade 21, ba frontera Oesilo hodi hasoru ninia kolega ida ho defisiensia matan ne’e.

Ilegal nain 2 ne’e depois de kaptura lori kedas ba halo karantina iha Hotel 5 Estrela iha Oeupo no iha neba sira halo karantina hamutuk ho ema 44 seluk ho total 46.

Sira halo viajem husi Surabaya 11 Dezembru 2020 Aviaun Citilink ba Kupang. Husi Kupang sira aluga kareta hodi lori ba frontera Osilo.

Sidadaun Indonesia ida ho idade 38, Tama iha loron 8 Dezembru 2020 husi Frontera Sakato no halo Auto Karantina iha H. Lifau hamutuk ho Sidadaun nain 4 seluk ho total ema nain 5.

Nia halo Viajem husi Jakarta 6 Dezembru ho Aviaun Batik Air ba Kupang. Toba kalan ida iha Hotel OYO besik bandara El Tari Kupang. Loron 7 Dezembru Viajem husi Kupang – Atambua ho Wings Air no toba kalan ida iha H. Alam Subur. Loron 8 Dezembru aluga kareta mai to’o Sakato.

Iha loron 27 Dezembru ita mos detekta tan kazu COVID-19 hamutuk nain 4 husi Hotel Y.Q. Raikotu.

  • Ministériu saúde liuhusi biban ida ne’e husu ba komunidade no entidade hotu atu tau nafatin fiar mai ministériu saúde hodi hala’o ninia kna’ar, no husu ba sidadaun idak-idak atu kontribui no koopera dia’kliu tan ho ministériu saúde hodi nune’e bele hakotu lalais moras vírus corona 19 iha ita-nia rain no liu-liu antesipa atu labele mosu propagasaun iha komunidade ka transmisaun lokál.

Biban ida-ne’e atu hato’o mós ba públiku katak to’o oras ne’e dadaun, ministériu saúde laiha intensaun atu politíza númeru kazu covid-19 iha ita-nia rai. Tan ne’e, husu ba ita hotu-hotu atu labele lansa informasaun falsu ba públiku hodi desvaloriza professionál saúde sira nian ba kombate Covid-19.

Relasiona ho númeru kazu ne’ebé Timor-Leste kontinua rejista, husu ba públiku tomak atu labele pániku maibé maintein nafatin iha medida preventiva tuir protoklolu ministériu saúde no organizasaun mundiál saúde fó sai ona. Husu atu akompaña nafatin atualizasaun dadus no informasaun sira kona-ba covid-19 iha pájina Palácio das Cinzas.

Bainhira ita proteje an proteje mos ema sira ne’ebé ita hadomi hosi #COVID19, liu husi;

  • Husu ba Komunidade atu hakmatek iha uma, lalika sai wainhira laiha presija urjente.
  • Fase liman bebeik ho sabaun ou uza hand sanitizer.
  • Uza mascara.
  • Labele halibur ema barak.
  • Proteje ita ninia populasaun vulnerable sira mak hanesan, Ferik no Katuas, ema ho moras kronika.
  • Halo tuir nafatin protoku ba prevensaun COVID_19 nian nebe’e fo sai husi Ministeriu Saude no Organizasaun Mundial Saude.

(res/cao)

Please follow and like us:

NOTÍSIA FOUN

Site Statistics

  • Users online: 7 
  • Visitors today : 115
  • Page views today : 140
  • Total visitors : 149,303
  • Total page view: 214,314

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur