Notísia foun


Timor Post (25/12/2020)—“Maske pandemia ne’e, ita nia Maromak la’ós Maromak ida ne’ebé dook, Nia, Maromak ida ne’ebé besik mai ita, akompaña ita, la’o ho ita, sai ida de’it ho ita. Buat ida de’it maka la’e, “sala”. Ida ne’e mak rajaun mai ita iha solinidade natal, sai selebrasaun ida ita dehan katak, selebrasaun ksolok, naroman no esperansa,” Arsebispu Metropolitanu Dili, Don Virgílio do Carmo da Silva, SDB.

Iha omília ba selebrasaun Kalan Natal iha Igreja Katedral, Dili, Don Virgílio subliña, mensajen Amu Papa nian iha tinan ida ne’e iha mundu selebra natal la hanesan baibain, maibé iha Timor Leste sarani sira tenke ho fiar metin katak Maromak sei la dook.

Don Virgílio subliña signifikadu husi situasaun difisil ida ne’e hodi lebra fali Jesus bainhira moris iha situasaun difisil nia laran. Saun José ho Nain Feto buka fatin hotu la hetan hodi hahoris kosokoan Jesus.

Don Virgílio haktuir, liafuan sira Maromak haklaken ba Nia bibi atan sira hatudu sentidu loos Natal ninian, ne’ebé iha tinan 2020 nia laran ne’e lori novidade ksolok.

Don Virílio hatutan, ba sarani hotu tenke loke-an ba Maromak tama iha ida-idak nia fuan, moris lorloron ne’ebé dala ruma balu sei iha nakukun laran.

“Ita presiza loke atu Kosok-oan ne’e bele tama. Ita hatene katak Jesus la mmoris iha ambiente ne’ebé ema goza no gasta buat hotu-hotu tuir ema nia hakarak, maibé Nia moris iha fatin mukit ida iha rai Belem,”  Don Virgílio subliña.

Observasaun Timor Post haktuir, partisipasaun sarani sira iha selebrasaun misa iha kalan Natal másimu tebes. Liga ho moras VOVID-19, sarani sira maske la mantein distánsia sosiál maibé maioria uza maskara iha Igreja laran. (cao)

Please follow and like us:

NOTÍSIA FOUN

Site Statistics

  • Users online: 1 
  • Visitors today : 1,488
  • Page views today : 2,161
  • Total visitors : 191,748
  • Total page view: 277,524

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur