Notísia foun


Timor Post (20/12/2020)—Prezidente Partidu CNRT, Kayrala Xanana Gusmão afirma, objetivu harii partidu la’ós atu nia ema sira ba sai membru governu de’it, maibé nu’udar organizasaun polítika ne’ebé tenke defende no valoriza konstituisaun RDTL.

Tanba ne’e, Xanana husu ba kuadru no militante tomak atu prepara-an konsolida partidu hodi hala’o misaun.

“Se ita boot sira sente iha misaun ida entau prepara-an atu konsolida partidu,” eis Prezidente Repúblika subliña kestaun ne’e bainhira partisipa iha natal no tinan foun ho kuadru no militante sira iha Sede Nasionál CNRT, Bairro dos Grilhos, Dili, Sesta (18/12/2020).

Xanana dehan, estrutura partidu sira mak tenke hala’o maka’as servisu ida ne’e tanba sé la’e nia prefere taka tiha partidu.

“Sé sente katak sai membru governu bainhira mak ita manan ha’u hanoin  ita sei la konsolida partidu, di’ak liu ita taka tiha kios ne’e,” Xanana hatutan.

Eis Primeiru Ministru ne’e sublina, selebrasaun natal no tinan foun ba tinan ida ne’e nu’udar oportunidade di’ak liu atu ema hotu-hotu iha partidu halo reflesaun ba ida-idak nia-an hodi nune’e ho fi’ar-an la’o ba oin.

Xanana husu mós ba estrutura, militantes no simpatejante sira atu lalika hanoin atu hakotu ho lalais kedas problema ida.

“Tanba ne’e ita fó hanoin nafatin, mai prepara-an konsolida partidu hodi bele hakbi’it-an atu defende no valoriza konstituisaun,” Xanana salienta.

Nia mós husu ba estrutura partidu sira no militante sira tenke rekonese ida-idak nia sala kuandu halo sala, labele halo tiha sala lakohi rekonese nia-an sala.

Atu hakotu, lider karismatiku ne’e husu mós tenke respeita malu no hadomi malu hodi hanesan família iha partidu laran. Tenke fó matenek ba malu kuandu presiza malu, labele sente matenek ona nia mak iha hotu sira seluk nia leten no lakohi besik nia maluk sira.

Jornalista: Jaime Pires

Editór: Noémio Falcão

Please follow and like us:

NOTÍSIA FOUN

Site Statistics

  • Users online: 1 
  • Visitors today : 1,050
  • Page views today : 1,552
  • Total visitors : 149,126
  • Total page view: 214,063

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur