Notísia foun


Timor Post (18/12/2020)—Ministériu Públiku (MP) hafoin simu keixa husi Eis Primeiru Ministru atuál Sekretáriu Jerál FRETILIN, Marí Bim Amude Alkatiri, sei notifika timoroan na’in-haat, sedu liu iha fulan ne’e nia rohan ka inísiu tinan 2021.

Alkatiri hato’o keixa ba MP tanba sidadaun na’in-haat ne’e konsideradu halo denunsia kalonioza hasoru nia liga ho kazu Skylight nu’udar operasaun forsa TNI hodi hamate Nicolau Lobato iha kampu batalla.

Sidadaun na’in haat ne’e mak hanesan, José Luis Guterres, Rogerio Lobato, Abílio Araújo ho Guilhermina Lobo de Araújo

Isu Skylight hahú mosu iha tinan hirak ikus ne’e akuja Alkatiri involve iha prosesu oho Saudozu Nicolau Lobato.

Nune’e, Alkatiri hato’o keixa ba MP atu hatúr lia los.

Ba Jornalista sira eis Prezidente RAEOA-ZEESM ne’e hatete, Prokurador Jeral Repúblika (PJR) preparadu ona atu notifika sidadaun haat ne’e.

“Notifika fim do ano ou janeiru. Ne’e krime, sira tenke hatan. I la’ós krime de’it, tanba sira iha osan, tanba prosesu sivil mós sei tama, i sei husu indiminizasaun. Sira la’ós laiha osan lae. Balu riku tebes, riku matak de’it.

Jornalista: Jaime Pires

Editór: Noémio Falcão

Please follow and like us:

NOTÍSIA FOUN

Site Statistics

  • Users online: 3 
  • Visitors today : 203
  • Page views today : 239
  • Total visitors : 236,590
  • Total page view: 342,220