Notísia foun


Timor Post (16/12/2020)-Ba Jornalista sira iha Palásiu Governu kuarta (16/12), Ministru Ensinu Superior Siénsia no Kultura (MESSK), Longuinhos dos Santos, hatete, tuir meta governu nian to’o tinan 2023 Governu oferese bolsa to’o rihun tolu (3) ba maluk kbiit laek sira.

Iha tinan ida ne’e  maski Timor-Leste foin sai hosi impase polítika no afeta hosi pandemia global maibé   2020 nia laran Governu oferese bolsa Atus Sia Sanulu (910) ba benefisiáriu.

“Ita iha 2020 ne’e nove centos e dez (910), tanba ita nia meta to’o 2023 ne’e ita hakarak atinje to’o  trés mil (3000), ne’e ita nia meta atu loke ba kbiit laek sira to’o 2023”, dehan Longuinhos.

Membru governu ne’e, akresenta benefisiáriu ba tinan ida ne’e atus lima (500) iha universidade públiku (UNTL) no universidade privadu (410), sira ne’e hamutuk mak (910).

“Sira koloka ba universidade sira hotu-hotu, tantu universidade públiku no mós privada”, hatutan.

Molok hakotu Governante detalla, kada tinan loke ba ema na’in 1000 (bolseiru), “ida ne’e ba kbiit laek sira de’it”.(Jornalista: Jaime Pires, Editor Mariano Martins)

Please follow and like us:

NOTÍSIA FOUN

Site Statistics

  • Users online: 1 
  • Visitors today : 171
  • Page views today : 194
  • Total visitors : 238,365
  • Total page view: 344,319