Notísia foun


Timor Post (15/12/2020) Komunidade sira hetan feto ida tara-an iha kafe laran, Aldeia Quirilelo, Munisípiu Aileu.

Bainhira hetan joven ne’e tali kesi iha kakorok tara hela iha ai-kakeu ida iha kafe-laran.

Ba Timor Post, sasin Santiago da Conceição haktuir, ema ne’ebé hetan uluk liu matebian tara-an hela maka Epifania da Costa (13) no Verdiana dos Santos (10) nu’udar matebian nia alin.

Sasin dehan, motivu husi akontesimentu ne’e nia rasik seidauk hatene tanba bainhira hetan komunidade sira informa kedas ba autoridade polisiál Munisípiu Aileu hodi ba foti isin mate hodi no halo investigasaun.

“Bainhira sasin sira ba hamoos to’os atu fila fali ba uma, liu husi kafé laran hodi ku’u markuzas nia tahan, maka hetan matebian tara-an hela iha kafé laran,” Santiago nu’udar mós jestór programa SIASL informa ba Timor Post, Tersa (15/12/2020).

Timor Post halo konfirmasaun ho Komandante Polísia Munisípiu Aileu, Jorge Monteiro, maibé seidauk fó informasaun klaru kona-ba motivu husi akontesimentu ne’e tanba sei iha hela prosesu investigasaun nia laran.

“Hein lai, ha’u sei iha Ministériu Públiku,” Komandante Jorge hatan ba Jornalista Timor Post via telefone bainhira konfirma kazu ne’e no taka kedas telefone bainhira Jornalista sira lansa hela pergunta.

Jornalista: Mariano Martins

Editór: Noémio Falcão

Please follow and like us:

NOTÍSIA FOUN

Site Statistics

  • Users online: 6 
  • Visitors today : 632
  • Page views today : 816
  • Total visitors : 138,033
  • Total page view: 197,380

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur