Notísia foun


Timor Post (14/12/2020)-Komunidade reklamante hosi Suku Komoro Postu Administrative Dom Aleixo Munisípiu Dili kompostu hosi uma kain hamutuk 140 hato’o keixa ba iha Komisaun F Parlamentu tanba sente diskriminadu bainhira la hetan  direitu subsídiu $ 2.00.

“Ami lakohi moris iha nasaun laran governu rasik halo diskriminasaun ba ninia povu, balu nia fó (subsidiu)  balu nia la fó tanba ida ne’e ami direitamente mai hato’o  ba na’i deputadu iha uma fukun ida ne’e atu bele buka solusaun”, informa Portavós reklamasaun Simão Ximenes ba jornalista sira hafoin remata hasoru malu ho deputadu sira iha Komisaun ne’ebé trata asuntu Saúde, Seguransa Sosiál no igualdade Jéneru, iha Parlamentu Nasionál, Segunda (14/12).

 Ximenes haktuir perante enkontru deputadu sira telefona diretamente ba iha Diretór Jerál Solidariedade Sosiál nian no diretór fó resposta liu hosi telefona katak iha semana ida ne’e nia laran sei hala’o pagamentu subsídiu ba reklamante sira.

“resposta pozitivu, maibé ami hein to’o tempu maka la selu subsídiu 200 maka ami sei mai nafatin iha parlamentu nasionál” dehan Simão.

Entretantu total 140 kompostu hosi Aldeia 14, Suku Komoro, Postu Administrative Dom Aleixo, Munisípiu Dili.

Jornalista : Julio Salinas Soares

Editor; Mariano Martins

Please follow and like us:

NOTÍSIA FOUN

Site Statistics

  • Users online: 1 
  • Visitors today : 171
  • Page views today : 194
  • Total visitors : 238,366
  • Total page view: 344,320