Notísia foun


Timor Post (14/12/2020)-Membru Komisaun C trata Asuntu Finansas Publika iha Parlamentu Nasionál, ho Vise Ministra Finansas, Sara Lobo Brites no tékniku, Segunda (14/12) konklui redasaun final ba proposta Lei Orsamentu Jerál Estadu (OJE) 2021 ne’ebé foin lalais tama iha aprovasaun final global.

Prezidente Komisaun deputada Maria Angelica Rangel, introdús,  tuir rejimentu  hafoin halo aprovasaun final global iha plenária, komisaun C halo tan serbisu ida iha redasaun final.

 “Ohin ami konklui halo redasaun final, prezensa mós Vise ministra Finansas, Sara Lobo Brites ho tékniku sira ho mós deputadu sira ne’ebé involve iha Komisaun C, ohin Ami konklui ho votus a-fabor 8, kontra zero (0), no abstensaun zero (0)”, Maria informa bá Jornalista sira iha salaun konferénsia parlamentu nasionál, segunda (14/12).

Angelica hatutan asina (redasaun final) hotu sei hasae ba iha Prezidente Parlamentu Pasionál, no atu haruka ba iha prezidente repúblika ne’e kompeténsia PPN.

Angelica haktuir durante debate OJE 2021 nian to’o remata bankada CNRT la hola parte tanba sira nia desizaun polítika, tanba ne’e  deputadu membru komisaun na’in rua (CNRT) la hola parte, maibé sira iha justifikasaun. Ida moras no deputadu ida seluk iha serbisu polítika.

 Tanba governu introdús orsamentu pur programa  iha tinan 2021 nune’e mosu errata barak.

“Maiske opozisaun la tama, maibé bankada governu rasik halo kritika ba governu orsamentu ne’ebé mai ho errata barak. Ida ne’e mak ami nia serbisu atu halo, tenke hadi’a duni para to’o ikus governu bele implementa orsamentu montante  biliaun $ 1.895”. Hakotu Angelica Rangel.

Jornalista : Julio Salinas Soares

Editór: Mariano Martins

Please follow and like us:

NOTÍSIA FOUN

Site Statistics

  • Users online: 5 
  • Visitors today : 783
  • Page views today : 1,036
  • Total visitors : 194,255
  • Total page view: 280,790

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur