Notísia foun


Hosi: Moisés Vicente

Bainhira ita hotu hatene no ita hotu rona no hare’e direita katak estudante finalista sira simu rezultadu Ezame Nasionál hetan aprovadu sira husi Ensino Pre-Secundária Classe 90 ano, ba to’o iha Ensino Secundária Gerál Classe 120 ano. Estudante finalista sira hasai sira nia expresa sinal kontenti nian bainhira estudante sira hotu-hotu hetan valor aprovadu ka valor 100% liu. Estudante finalista Feto-Mane balu komesa ona halo riska faru tun-sae sira nia faru eskola nian uza espidol, balu komesa tinta fuk rame-rame los hanesan los ema bulak. Estudante finalista sira hotu-hotu alegria simu rezultadu manan ho kontenti nufin estudante finalista balu la kontrola nia-an to’o ikus hetan asidente fatal iha dalan estrada públiku bainhira sa’e uza motor kanu resin (kenal pot) resin halo pawai tula malu liu ema nain rua, balu tula to’o nain 4 dala ida kada motor ida. Estudante balu hetan ain-tohar, balu ain kanek todan ba kedan tama liu iha Hospital Emergensia no balu to’o aldeia la fila nian alias mate iha fatin iha momentu refere.

Tuir informasaun husi Ministeriu Edukasaun Joventude no Desportu (MEJD) fó sai katak iha loron 18 fulan Dezembru 2020, sei publika sai rezultadu finalista sira atu rona ezame Nasionál aprovadu ka re-aprovadu. Os resultados dos exames nacionais deverão, de acordo com o calendário do Ministério da Educação, Juventude e Desporto (MEJD), ser anunciados a 18 de dezembro. “O Ministro da Educação, Juventude e Desporto anunciará os resultados dos exames nacionais a 18 de dezembro”, afirmou o Coordenador da Unidade do Currículo Nasionál do MEJD, Pedro Ribeiro Gonçalves, na quinta-feira (26/11/2020), em conferência de imprensa, em Vila-Verde, Díli. (Fontes: http://diariutimorpost.com/pt/2020/11/26/resultados-dos-exames-nacionais-anunciados-a-18-de-dezembro/., asesu iha loron Kuarta-feira, 9 Dezembru 2020).

Kada tinan-tinan estudante sira sempre halo pawai ka konboi ho motorizadas iha Dili laran no mos ba to’o iha munisipiu sira. Iha ne’e tuir Hakerek Na’in nia observasaun no monitorizasaun durante ne’e depois Timor-Leste hetan nia ukun rasik-án/Independensia. Buat ida pawai ka riska faru eskola nian ka hakerek iha faru liur no faru laran no kalsa kada finalista estudante Ensino Secundária sira nian. Kustume ida ne’e ka moras at ida ne’e husik ba estudante Timor-oan, iha ne’ebé moras at ida ne’e hanorin hela ka rai hela buat at ka buat kontenti nian husi nasaun Colonial sira nian ukun hanesan nasaun viziñu Indonesia sira nia tempu, iha momentu ne’ebá.

Iha parte seluk, iha tinan ida ne’e 2020 to’o fulan Dezembru nia rohan ita atu tama ona ba Natal no tinan foun 2021 ne’ebé sei mai. Seguransa em jerál iha ita nia Polícia Nasionál Timor-Leste (PNTL) nia liman servisu konjunta hamutuk ho forsa armada sira FALINTIL-Forsa Defeza Timor-Leste (F-FDTL) nia liman oinsa maka atu kontrolu maximu ninia sidadaun sira iha Timor-Leste, nune’e labele mosu violensia ida sai grave.

Iha sorin seluk, Hakerek Na’in le’e relatóriu husi Organizasaun Naun Govermental Fundasaun Mahein (FM), sempre fó alarma bebeik ba instituisaun seguransa sira hanesan Polícia Nasionál Timor-Leste (PNTL). Oinsa maka kontrola maximu iha sidade kapital Díli laran, hodi nune’e bainhira estudante finalista sira Ensino Pre-Secundária Classe 90 ano no Ensino Secundario Classe 120 ano simu rezultadu ezame nasionál nian labele halo perturba Estrada públiku ka halo barulho sidade Dili no labele pawai tunsae inklui mos iha Munisipiu sira seluk. Iha sidade Dili husu ba ema hotu kontinua la’o tuir nia regras iha orden públiku nian ne’ebé hakerek ona iha Lei Trânzitu Polícia Nasionál Timor-Leste no Lei Kódegu Penál Timor-Leste iha artigo 207 Kondusaun sem karta: Ema Ne’ebé uza veíkulu motorizadu maski laiha lisensa ne’ebé lei ezije sei hetan pena prizaun too tinan 2 ka multa.

Tuir relatóriu Fundasaun Mahein (FM) hakarak fó hatene ba públiku kona-bá asidente fatal ne’ebé akontense iha loron 11/12/2014 liubá ne’ebé rezulta estudante na’in rua mate tamba kauza husi asidente trafegu motor. Relasaun ho ida ne’e tuir Fundasaun Mahein nia monitorizasaun iha terinu katak estudante sira rona rezuldadu husi izame final, depois estudante nain 3 sa’e lisuk motor ida, na’in 2 uza kapisete no nain 1 la uza nomos laiha kartaun kondusaun. Tanba kontra regra trânzitu halai iha estrada públiku, Polísia Nasionál Timor Leste duni tuir sira husi kotuk, halo sira tauk no trauma hodi halai motor ho velosidade a’as, ikus mai rezulta asidente fatal iha Bidau Santa Ana, Díli. (Fontes: “(Fontes:%20http://www.fundasaunmahein.org/2014/12/12/estudante-involve-iha-asidente-fatal/”http://www.fundasaunmahein.org/2014/12/12/estudante-involve-iha-asidente-fatal/., asesu iha loron Kinta-feira, 10 Dezembru 2020).

Iha ne’e Hakerek Na’in mos kontinua reforsa relatóriu husi Fundasaun Mahein lamenta tebes ho Policia Nasionál Timor-Leste ne’ebé duni estudante sira husi kotuk, iha momentu ne’ebá. Lolos Polísia Nasionál Timor Leste halo cek point antisipasaun antes durante semana balun nia laran. Antisipasaun cek point hanesan sintidu atu reduz asidente ba estudante sira, nune’e mos ba motorista sira seluk ne’ebé laiha karta kondusaun ba lori motor ho kareta iha estrada públiku. Tamba asidente trafegu sira hanesan ne’e sempre akontese kada tinan-tinan depois estudante sira rona rezultadu ikus husi izame nasional.

Ikus liu, nia rohan Hakerek Na’in hakarak rekomendasaun ba, instituisaun Polícia Nasional Timor-Leste (PNTL) atu halo cek point antisipasaun ba eventu ne’ebé deit maka nota bele sai risku ba asidente fatal nian. Rekomendasaun mos ba, VIII Governu Konstitusional liu-liu ba Ministériu Transporte Telekomunikasaun, Diresaun Nasional Transporte Terestre (DNTT) atu kopera hamutuk ho Polícia Nasionál Timor-Leste (PNTL) atu aplika Lei-Kodiku Uza Estrada nian ho regurozu. No agora, Timor-Leste aplika hela Estado Emergensia kontinua distansia social tamba atu prevene moras corona virus (COVID-19) iha ita nia rain, mesmo que moras COVID-19 ema mate laiha maibe kontinua kuidadu no hadok an moras at corona refere.

*Hakerek Na’in: Alumni Universidade da Paz-(UNPAZ), Faculdade de Direito no Ativista. Artigo ida ne’e larepresenta institusaun ne’ebé hakerek na’in haknar ba, maibé idea no argumentu sira ne’ebé lekar iha artigu ne’e nudar opinião pesoál. Iha sujestaun ruma bele haruka iha e-mail: moisesvicente59@yahoo.com

Please follow and like us:

NOTÍSIA FOUN

Site Statistics

  • Users online: 4 
  • Visitors today : 846
  • Page views today : 1,131
  • Total visitors : 194,318
  • Total page view: 280,885

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur