Notísia foun


Timor Post (10/12/2020)—Komandu Polísia Munsípiu Dili kamptura tiha ona sidadaun na’in-tolu ne’ebé deskonfia durante ne’e na’ok motor.

Polísia kaptura ema hirak ne’e iha Area Manleuana, Postu Administrativu Don Aleixo, Munisípiu Dili, iha oras maizumenus tuku tolu madrugada (10/12/2020).

Ba Jornalista sira iha Komandu Munisipál, Kaikoli, Dili, Komadante Daruak Munsípiu Dili, Euclides Belo ne’ebé akompaña direta operasaun ne’e haktuir, durante ne’e komandu simu keixa hosi komunidade sira ne’ebé mak sai vítima. Nune’e, liuhusi operasaun konsege kaptura ema na’in-tolu ne’e no prende motor hamutuk haat.

“Ohin dader madrugada purvolta tuku tolu komandu munsípiu Dili ho ha’u rasik hamutuk ho membru sira halo operasaun iha area Dom Aleixo ninia, liu-liu iha area Manleu air-terjung nian konsege kaptura sidadaun nain tolu ho evidensia motor haat,” Euclides haktuir.

Nia dehan, sidadaun na’in-tolu ne’e agora submete ona ba prosesu investigasaun, no evidénsia motor haat ne’e iha hotu ona komandu nia liman.

Jornalista: Jaime Pires

Editór: Noémio Falcão

Please follow and like us:

NOTÍSIA FOUN

Site Statistics

  • Users online: 0 
  • Visitors today : 209
  • Page views today : 249
  • Total visitors : 240,105
  • Total page view: 346,401