Notísia foun


Timor Post (08/12/2020)-Primeiru Ministru (PM), Taur Matan Ruak, subliña, presiza loke diskusaun ba modelu dezenvolvimentu nasaun nian tanba rekoñese sustentabilidade ba fundu mina rai iha problema.

“Kona-ba sustentabilidade fundu petrolífera tempu seluk ita sei ko’alia, ha’u hanoin ne’e problema ida, ha’u hanoin hakarak ka lakohi ne’e kestaun nasaun tomak nian, laós de’it líder sira de’it, liuliu órgaun estadu sira tenke deskuti maka’as,” Xefe governu subliña iha nia intervensaun iha diskusaun Orsamentu Jerál Estadu (OJE) 2021, Sábadu (05/12).

Primeiru Ministru informa ba reprezentante povu sira katak, opsaun polítiku ne’ebé adopta maka Politíka Fiskál Antesipada (front‐loading fiscal policy).

Polítika front‐loading fiscal policy katak halo orsamentu estadu boot iha períodu tempu badak liuhusi finansiamentu esesu levantamentu hodi finánsia dezenvolvimentu kapitál umanu no infrastrutura bazíka atu fasilita no enkoraja investimentu setór privadu no diversifika ekonomia.

“Ha’u lembra katak Prezidente Repúblika koalia ona ho ha’u kona-ba posibilidade loke diskusaun barak kona-ba matéria sira ne’ebé estruturante ba dezenvolvimentu timor nian tanba ne’e ita sei iha tempu para halo diskusaun,” Taur, esplika ba deputadu sira.(Jornalista : Julio Salinas Soares)

Please follow and like us:

NOTÍSIA FOUN

Site Statistics

  • Users online: 7 
  • Visitors today : 496
  • Page views today : 576
  • Total visitors : 236,883
  • Total page view: 342,557