Notísia foun


Timor Post (03/12/2020)-Deputadu sira iha parlamentu nasionál liu hosi debate estensaun Estadu Emerjénsia ba da ualu (VIII) husu governu atu kontinua haforsa no kria kondisaun di’ak ba iha defeza no seguransa para kontrola fronteira ho di’ak no professional.

Deputada hosi Bankada Frente Mudansa, Isabel Ximenes, hatete atu Covid-19 labele tama iha rai laran governu tenke halo medida prevensaun iha pontu entrada sira iha territóriu Timor-Leste nian hodi evita ema ne’ebé tama ilegál.

Nia mós husu governu atu fó medidas rigorozu ba ema tama sai klandestinamente ho sasán sira ne’ebé proibidu.

“Ita husu ba governu atu fó medida rigorozu ba ema sira ne’ebé tama sai liu hosi dalan ilegál no kontrola sasán sira ne’ebé proibidu atu tama mai iha rai laran”, hato’o Isabel iha uma fukun Parlamentu Nasionál Kinta (03/12).

Alende ne’e Daputada ezije ba governu atu hasa’e kualidade laboratóriu ne’ebé Timor-Leste iha, ho sériu atu komplementa ekipamentu laboratóriu, fó formasaun ba tékniku saúde sira no voluntáriu sira.

Nia husu ba ministériu Negósiu no Estranjeiru atu fó atensaun ba sidadaun Timor oan sira ne’ebé mak hela iha tasi balu, koordena ho embaixada sira hotu iha estranjeiru hodi rekolla dadus no kontaktu Timor oan sira hotu bele liu hosi media sosiál no media komunikasaun tomak ne’ebé mak eziste hodi fó netik atensaun ba sira.

Fatin hanesan deputada hosi bankada CNRT, Lucia Taeki, husu governu tau matan ba Pesoál saúde kontratadu barak mak to’o ohin loron sira seidauk simu sira nia direitu, maibé durante ida ne’e hala’o atividades prevensaun Covid-19.

Enkuantu Deputadu David Dias “Mandati” duvidas tanba bebeik atu remata prazu estadu emerjénsia atu hotu hakfodak kazu foun mosu tan fali ona.

“Ha’u mós senti uitoan tanba besi-besik atu remata prazu estadu emerjénsia besik hotu teki-tekir mosu ema ida afetadu ne’e repetida retiradamente haree hela adves ita mai tuur iha ne’e mós sente ida ne’e, ne’ebé esklaresimentu iha karik ita bele rona ha’u fiar buat ne’e akontese duni maibé akontesimentu ida ne’e hanesan ironia fali”, dehan Mandate.

Entretantu Parlamentu Nasionál Kinta (3/12) aprova tan pedidu estadu emerjénsia VIII hosi Prezidente da Repúblika. To’o oras ne’e TL rejistu kazu Covid pozitivu hamutuk 20.(Jornalista : Julio Salinas Soares)

Please follow and like us:

NOTÍSIA FOUN

Site Statistics

  • Users online: 1 
  • Visitors today : 1,025
  • Page views today : 1,485
  • Total visitors : 146,663
  • Total page view: 210,457

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur