Notísia foun


Timor Post (26/11/2020)—Prezidente Assosiasaun Informasaun Komunikasaun no Teknolojia-Timor Leste (ICT-TL sigla Portugués), Natalio Raimundo Soares kondena maka’as aktu ilegal sira iha área ICT, liuliu fó prejuizu ba Estadu. Nune’e, liga ho kazu Elit Komputer ho Telemor konsideradu fó lisaun ba governu liuliu Autoridade Nasional Komunikasaun (ANC).

Raimundo hatete, kazu Elit Komputer ho Telemor nia parte seidauk bele julga katak atividade ne’ebé kompañia rua ne’e hala’o ilegal ka la’e, tanba prosesu justisa la’o helaso entidade kompetente mak bele denunsia ba publiku.

“Ha’u hanoin entidade sira ne’ebé liga ho kestaun justisa nian hala’o hela servisu, ita hotu hein kazu ne’e nia finalidade oinsá, legal ka lae nee kompetensia autoridade sira mak bele koalia” Raimundo subliña ba Timor Post via telefone, Kinta (26/11/2020).

Nia dehan, akontesimentu ba Elit Komputer ho Telemor sai preokupasaun iha públiku inklui sosiedade ICT.

Raimundu hatete, Timor Leste iha duni nesesidade ba servisu internet liuliu konektividade siranebe ho kualidade,iha ne’ebé nu’udar kliente presiza tebes. Tanba ne’e, nia subliña, ho kazu Elit Komputer ho Telemor labele sai hanesan presedente ba futuru.

“Importante ita nia governu tenke hanoin atu aselera planu ba investimentu Kabu Submarinu,” nia dehan. Atu nune’e, iha kondisaun, alein de infrastrutura, mós komponente lei sira para bele aplika,” Raimundo salienta.

“Neste momentu ligadu ho ita nian situasaun karikseidauk iha kondisaun para beleobriga ema hotu atu la’o tuir ida ne’ebé mak legal,” Raimundo afirma kestaun ne’e hodi fó ezemplu kona-ba utilizasaun frekuensia sira inklui antena Parabola ba TV iha Timor Leste seidauk regula ho diak mezmu ida ne’e mos serbisu ho frekuensia.

Realmente Raimundo dehan, dezde ukun a’an to’o agora, operador sirautiliza koneksaun via satelit, maibé tanba liga ho kapasidade satelit nia resposta ba nesesidade doméstiku la másimudalaruma sira tenke adapta mos solusaun seluk hanesan nebe akontese ohin loron.

“Entaun, ne’e bele sai hela hanesan oportunidade ida ba autor negósiu sira hodi hamosu alternativu sira ne’ebé tuir sira bele responde ba situasaun kliente sira nian,” Raimundo salienta.

Maske nune’e, Raimundo hatutan, respeita prosesu justisa ne’ebé la’o hela ba kazu Elit Komputer ho Telemor.

Entretantu Komandu Polisia Nasionál Timor-Leste (PNTL) liu hosi Servisu Investigasaun Kriminál (SIK) ezekuta mandadu buska no detensaun no apreensaun ba sasán evidénsia ba CEO ka Diretór Jerál Kompañia Telekomunikasaun Telemor ho inisiál (TVB) no Diretór Kompañia Eleite Computer ho inisiál (DP).

Suspeitu na’in rua SIK detein tuir despaxu Tribunál Distritál Dili  (TDD)  ho NUK 0166/20/PSIC hodi halo mós primeiru julgamentu iha Tribunál Dili.

Suspeitu CEO Kompañia Telemor TVB, SIK halo detein iha ninia servisu fatin Telemor, Timor Plaza CBD 4, andár tolu  iha oras  tuku 15:00.

Hafoin halo tiha detensaun, ekipa SIK halo kedas esplikasaun ba konteúdu karta detensaun hosi Tribunál nian ba suspeitu no ekipa funsionáriu tomak, inklui halo investigasaun ba sistema ka data center  no sistema Call Center Telemor nian iha andar rua CBD-2.

Entretantu, suspeitu DP Diretór Kompañia Elite Computer, SIK halo detensaun iha ninia servisu fatin Colmera Dili, iha oras 14:45.

Hafoin halo tiha detensaun, ekipa SIK hamutuk ho ekipa Technology Information (IT)  halo apreensaun  hodi husu password ba kontrolu ba sistema date center ne’ebé deskonfia durante kompañia Elite Compute utiliza hodi halo koneksaun sistema rede satélite ilegál hosi Atambua-Indonézia nian.

Ezekusaun mandadu buska detensaun hala’o direita hosi Komandante Servisu Investigasaun Kriminá (SIK), Superintendente Xefe, José Maria Neto Moc akompaña hosi ekipa investigadór SIK no hetan apoiu hosi Servisu Informasaun Polisia (SIP).

Suspeitu na’in rua, TVB no DP deskonfia halo korrelasaun servisu ba malu hodi fasilita utiliza internet ilegál ne’ebé uza satélite Indonézia nian ho kapasidade 600MBS ne’ebé fasilita ba liña ministériu sira inklui Komandu Polisia Nasionál Timor-Leste (PNTL).

Impaktu hosi servisu korrelasaun entre suspeitu na’in rua hodi fasilita servisu internet ilegál ne’ebé Servisu Investigasaun Kriminál deteta hahú kedas hosi tinan 2012 mai too tinan 2018 fó prejuizu ba Estadu Timor-Leste lakon osan barak.

Ho hahalok suspeitu Nain rua ne’e, Ministériu Públiku akuza suspeitu rua komete kazu burla informátika no kazu fraude fiskál.

Entretantu durante ne’e Kompañia Elite Komputadór maka manan konkursu halo koneksaun internet ilegál hodi halo korrelasaun servisu ho suspeitu TVB, maibé parte Governu Timor-Leste liu hosi Autoridade Nasionál Komunikasaun (ANC) ne’ebé hetan fasilidade priviléjiu hosi Estadu Timor-Leste la halo kontrolu ba servisu kompañia rua ne’ebé fó prejuizu ba estadu Timor-Leste.

Tuir dadus ne’ebé Timor Post rekolla, durante Kompañia Elite Komputadór servisu hamutuk ho Komandu Jerál PNTL hodi halo ligasaun internet koneksaun ba sistema kontrolu Closed Circuit Television (CCTV) iha sidade Dili no postu integradu liña fronteira terrestre. (cao)

Please follow and like us:

NOTÍSIA FOUN

Site Statistics

  • Users online: 1 
  • Visitors today : 378
  • Page views today : 438
  • Total visitors : 186,538
  • Total page view: 269,983

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur