Notísia foun


 Timor Post (26/11/2020)—Estadu rai Argentina deside lutu nasionál durante loron tolu ba Diogo Armando Maradona nu’udar legendáriu futeból mundiál husi rai ne’e nian ne’ebé hakotu ona iis iha kalan 25/11/2020 tanba sofre moras fuan.

Diogo Maradona hakotu iis ho idade 60.

Maradona konsideradu hanesan oan mane Argentina ne’ebé di’ak tebes iha kampo futeból. Nia marka istória lubuk ida liuliu lori ekipa Argentina manan Kopa Mundiál iha tinan 1986 ne’ebé realiza iha Méxiko.

Maradona iha momentu ne’eba hatama golu lima, sai hanesan top skor Argentina (hatama golu barak liu) só lakon de’it ho avansadu husi Inglaterra Gary Lineker. Iha momentu ne’eba kedas mundu haree hetan Maradona no hili hanesan jogador favoritu iha ne’ebé nia hatama golu mesak bonitu de’it no kedok jogador lima dala ida to’o guarda rede.

Tanba ne’e, hanesan respeitu ba  Diego Maradona, estadu Argentina deside lutu nasional durante loron tolu. Prezidente Argentina Alberto Fernandez até públika foto hamutuk ho Maradona iha rede sosiál.

“O lori ami ba fatin ne’ebé a’as iha mundu. O halo ami kontente tebes. O mak di’ak liu hotu. Obrigadu ba O nia prezensa, Diego. Ami sei hanoin nafatin O iha ami nia moris tomak,” Prezidente Alberto hakerek iha foto ne’ebé nia públika. (cao)

Please follow and like us:

NOTÍSIA FOUN

Site Statistics

  • Users online: 3 
  • Visitors today : 879
  • Page views today : 1,279
  • Total visitors : 148,955
  • Total page view: 213,790

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur