Notísia foun


Timor Post (24/11/2020)—Prezidente Parlamentu Nasionál (PN), Aniceto Guterres manda tiha ona karta ezonerasaun ba Sekretária Jerál PN, Cedelízia Faria dos Santos.

Cedelízia konfirma katak, nia rasik simu ona karta ezonerasaun ne’e.

“Iha karta ne’e datada ohin (24/11/2020) no ha’u simu ohin mós,” Cedelízia ba Timor Post via telefone.

Rajaun fundamental husi desizaun ne’e tanba akuja Cedelízia la fasilita plenária iha loron 18-19 fulan Maiu 2020, iha ne’ebé mosu tensaun maka’as entre deputadu sira to’o harahun meza Prezidente Parlamentu Nasionál.

Rajaun seluk maka Cedelízia konsideradu la toma responsabilidade ba atividade sira durante ne’e iha Parlamentu Nasionál inklui ahi eletrisidade mate bianhira plenária la’o hela.

Entretantu Cedelízia simu posse husi Prezidente Parlamentu Nasioná l (PN), Arão Noé de Jesus da Costa Amaral akompaña hosi Prezidente Komisaun Funsaun Públika (KFP), Faustino Cardoso, Sesta (13/09/2019), iha Uma Fukun Parlamentu Nasionál.

Cedelízia simu posse iha momentu ne’eba hodi troka eis Sekretáriu Jerál Adelino Afonso de Jesus.

Rekrutamentu ba Cedelízia bazeia ba Lei Organizasaun Funsionamentu Administrasaun Parlamentár (LOFAP) artigu 23 to’o 24 ne’ebé iha opsaun rua ba rekrutamentu ne’e. Opsaun rua ne’e mak nomeasaun hosi funsionáriu públiku ne’ebé asume kargu xefia aas liu iha PN no opsaun seluk mak loke konkursu públiku, ikus mai Cedelízia eleita ba Sekretária Jerál PN. (cao)

http://Cedelízia Sei Lori Aniceto Guterres ba Tribunál, Adelino hetan Nomeasaun ba SekJer PN

Please follow and like us:

Site Statistics

  • Users online: 8 
  • Visitors today : 618
  • Page views today : 791
  • Total visitors : 138,019
  • Total page view: 197,355

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur