Notísia foun


Timo Post (16/11/2020)-Governador Banku Sentrál Timor-Leste (BCTL), Abrão de Vasconselos, Timor-Leste la iha ameasa ba taxa inflasaun iha tinan-oin tanba moeda amerika nian sei forte.

“Parte inflasaun banku sentral kontinua la haree iha risku poténsia inflasaun ida ne’ebe mak elevadu, la’ós de’it iha 2020 maibé iha mós 2021 banku sentral la haree ida ne’e, tanba kontinua ekonomia Amérika nian ne’ebe forte, ninia moedas ne’ebe forte laiha ameasa iha trenium patner entaun la haree fó ameasa ida ba tasa inflasaun Timor-Leste nian iha tinan oin”, informa Governandor bainhira halo audiénsia ho deputadu sira iha Parlamentu Nasionál (PN) kona-ba OJE 2021 nian.

Maiske nune’e lider ne’e antesipadamente husu, presiza nota maka situasaun Covid-19 tanba nia inserteza ida ne’ebe boot teb-tebes,

“Governu presiza nota no evita atu la bele stock iha supply tanba ida ne’e bele afeita, supply stock iha ne’e la’os fenomena monotari, tan ne’e ita labele halo buat ida só bele nota de’it”, hatutan.

Nia rekorda iha tinan 2010 Ministeriu Finansas introdus estudu ida ne’ebe mak hatudu atu Timor-Leste bele redus pobreza ne’e presiza kresimentu ekonomia pursentu 8 kada tinan, so ke ita fallha tiha iha tinan barak nia laran.

“Hahú hosi 2010 to’o 2020, iha tinan 10 nia laran ne’e ita lakon,” Abrão sublina.

Enkuantu saida mak hakarak atu hetete iha kontekstu ida ne’e maka tuir nia karik presiza iha aliterasaun oinsá atu prosima dezenvolvimentu ne’ebe mak promove.

“Ida ne’e banku sentral nota iha OJE 2020 no 2021 iha akumulasaun ka iha aliterasaun uitoan iha oinsá atu dirije investimentu públiku iha ita nia ekonómia,” nia fó sai.(Jornalista : Julio Salinas Soares)

Please follow and like us:

NOTÍSIA FOUN

Site Statistics

  • Users online: 5 
  • Visitors today : 725
  • Page views today : 874
  • Total visitors : 84,572
  • Total page view: 118,681

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur