Notísia foun


Timor Post (13/11/2020)— Ministru José Agostinho da Silva, hatete, tinan fiskál 2020 MTK iha millaun hitu resin, ne’ebé mak dezempeñu ezekuta konsege atinze ona pursentu 78, 07. Balansu ne’ebé mak agora daudaun sei iha hamutuk millaun ida resin, ne’ebé ekivale ho porsentu 21, 97.

Hahú hosi inisia fulan Janeiru mai to’o Outubru 2020, Ministériu Transporte Komunikasaun (MTK) rekolla reseitas millaun $ 7.84, 5 ba kofre estadu.

“Hosi total orsamentu ne’ebé mak alokadu ba Ministériu Transporte Komunikasaun ho montante ne’ebé mak pronunsia, konsege fó hikas retornu ba kofre estadu, tantu hosi ajénsia autónomu no administrasaun direta no indireta ho montante $7.84, 5. Nee mak dezempeñu ezekusaun orsamentu 2020 nian” Agostinho relata nee, bainhira halo audiénsia ho deputadu sira iha PN, kona-ba OJE 2021, kuarta (11/11).

Ba pakote fiskál 2021 Agostinho dehan MTK propoen tokon $ 13,348,279, inklui $ 3,042,000 ba implementasaun atividade relasiona ho medida planu rekuperasaun ekonomia.

Hosi total OJE millaun $13 resin nee, fahe ba kategoria lima, hanesan saláriu vensimentu, bens serbisu, kapitál menór, kapitál dezenvolvimentu no transferénsia publika.

Hosi montante ne’ebé mak prevee, sei uza ba programa hamutuk hitu (7), sub-programa sanulu resin tolu (13) no atividade hamutuk tolunulu resin hitu (37), ne’ebé mak bazeia ba sistema dalan ba futuru.

Ministru hatete medida prinsipal setorial sira ba tinan 2021 hosi MTK mak hanesan, Garante jestaun sistema transporte rai-maran (terrestres).

Promove dezenvolvimentu jestaun infraestrutura komunikasaun. Asegura jestaun operasaun meteorolojia no jeofízika. Garantia normal funsionamentu sirkulasaun transporte marítimas. Asegura prestasaun serbisu postais. Implementa polítika jéneru no Promove boa governasaun no jestaun institusionál.(Jornalista: Julio Salinas Soares)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 1,268
  • Page views today : 1,818
  • Total visitors : 80,520
  • Total page view: 112,899

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur