Notísia foun


Timor Post (12/11/2020)—Prezidente Repúblika Francisco Guterres Lú Olo husu ba Governu lideradu Primeiru Ministru Taur Matan Ruak atu propoin Orsamentu Jerál Estadu (OJE) ba tinan fiskal 2021 tenke tuir ka viradu ba programa.

Lú Olo la esplika klaru programa governu nian ne’ebé aprova iha Parlamentu Nasionál, iha ne’ebé CNRT maka lidera Aliansa Mudansa ba Progresu (AMP), maibé ba Jornalista sira hafoin partisipa iha selebrasaun loron Nasional Juventude, Xefe Estadu subliña de’it OJE tenke tuir programa.

“Orsamentu ne’e tenke viradu ba iha programa, ba iha planu. Nebe, governu mak sei aprejenta, prezidente seidauk dehan orsamentu ne’e atu boot ka kiik, atu halai ba iha ne’ebé, atu implementa programa ida ne’ebé,” Lú Olo subliña.

Nia dehan, OJE 2021 agora iha hela Parlamentu Nasionál mak sei deskuti no aprova maka Prezidente Repúblika iha tempu ba halo desizaun tuir lei haruka.

“Prezidente seidauk haree orsamentu ida ne’e, sei iha hela parlamentu, parlamentu mak tenke deskuti, no aprova ba maka prezidente iha tempu hodi simu ou lae,” Lú Olo hatete.

Lú Olo dehan, governu atuál (FRETILIN, PLP ho KHUNTO) empeñadu atu hadi’a saida de’it maka seidauk ba povu no nasaun nia di’ak.

Nune’e, Lú Olo husu ba líder polítiku sira atu tau hamutuk ideia ho diferénsia hotu atu kontinua lori moris di’ak ba povu no nasaun.

Entretantu, governu haruka ona proposta OJE 2021 ho total biliaun $1,895 ba Parlamentu Nasionál. No durante semana hirak ikus ne’e Komisaun C ne’ebé trata ba assuntu finansas halo hela audénsia ho membru governu sira no sei ajenda ba diskusaun no aprovasaun iha jeneralidade no espesialidade iha tempu badak. (lyl/cao)

Please follow and like us:

NOTÍSIA FOUN

Site Statistics

  • Users online: 1 
  • Visitors today : 1,262
  • Page views today : 2,119
  • Total visitors : 74,194
  • Total page view: 103,377

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur