Notísia foun


Timor Post (11/11/2020)—Armando da Silva alias Fitun, husi Munisipiu Ainaro, nu’udar autor pinta bandeira Forsa Armada Libertasaun Nasional Timor Leste (FALINTIL), hakotu iis iha Hospital Nacional Guido Valadares (HNGV), Dili, tuku sia kalan, tanba sofre moras Stroke.

Armando nu’udar membru asembleia konstituante husi partidu ne’ebé nia rasik mak harii iha era ukun-an hanaran Partidu Liberal.

Armando infrenta moras Stroke kleur ona. Iha loron Tersa (10/11/2020), derepente atakasaun kona no família sira lori halai husi nia uma iha Taibessi ba HNGV, maibé liu de’it loron ida Saudozu hakotu iis.

“Lori mai (HNGV) tensaun sa’e maka’as, mas ohin lokraik hahú tun, mas sistemátiku liu depois de hasai tiha dadus mak fó hatene,” Prezidente Interinu Organizasaun Rejisténsia Fitun, Salvador Tilman subliña ba Timor Post via telefone husi Mortuáriu HNGV.

Nia haktuir, Armando nia partisipasaun durante tempu rejisténsia, koñesidu ho hahú organiza masa hamutuk ho organizasaun rejisténsia sira seluk hodi halo demostrasaun boot bainhira Amu Papa João Paulo II hala’o vizita iha Dili.

Iha tinan 1990, Armando nu’udar líder boot funda organizasaun Fitun, no autor prinsipal pinta bandeira FALINTIL.

“Nia mak autor prinsipál, nia fotografia sira (Bandeira FALINTIL), kuandu ba aprejenta ba ba Maun Xanana, Maun Xanana eskolla bandeira ne’ebé ke matebian dezeñu,” Salvador haktuir.

Nia hatutan, Adrmando mós partisipa iha estratéjia no tátika oioin durante tempu rejisténsia.

Armando mós koñesidu hanesan artista, nia múzika ne’ebé popular liu ho títulu “Kita Yang Tersisi”. (cao)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 514
  • Page views today : 704
  • Total visitors : 79,025
  • Total page view: 110,771

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur