Notísia foun


Timor Post (10/11/2020)-Deputadu David Dias Ximenes ‘Mandati”, hatete katak mosu ‘funu ibun’ entre nia ho Komandante Polisia Postu Seguransa iha Parlamentu Nasionál, Alexandrino da Costa ‘Samurai’ akontese tan de’it fatin estasionamentu ka karreta para fstin, la’ós tanba buat seluk.

Nia parte informa ona Prezidente Parlamentu Nasionál Aniceto Guterres atu buka solusaun ba situasaun ne’ebé akontese iha loron 09 Novembru 2020, oras tuku 5 loro-kraik.

“Prezidente Parlamentu Nasionál bolu ne’ebé ohin ha’u ko’alia tiha ona ho prezidente parlamentu para depois atu haree no tetu hodi resolve problema refere, tanba ne’e solusaun so prezidente Parlamentu Nasionál mak sei bele ko’alia tanba ho problema refere ha’u entrega ona no prezidente rasik husu tuir kronolojia akontesimentu ne’e”, Mandati haktuir ba Jornalista iha Parlamentu Nasionál Tersa (10/11/2020).

Nia rekorda katak nia parte defende de’it mak legalidade fatin iha akontesimentu ne’e, katak tuir sirkulár karreta privadu labele tama para iha arredores parlamentu nasionál nian.

Enkuantu Komandante Polisia Destakadu iha Parlamentu Nasionál, Alex Samurai, esplika iha loron 9 Novembru 2020 iha audiénsia iha funsionáriu balu la’o tun sa’e atu para karreta tanba fatin la iha, no iha momentu hanesan Alex atu lori nia karreta sai ba ofisina maka nia fó hela fatin ba funsionáriu ne’ebé atu halo audiénsia iha ho deputadu iha PN.

“Ha’u nia karreta para fatin tinan 3 ona, bainhira ha’u atu lori ha’u nia karreta sai ba bengkel hodi troka bateria komu kolega ne’e husu para fatin mak ha’u hatudu ha’u nian ba dehan mai para de’it iha ha’u nia fatin, ha’u mos bolu kedas seguransa sivíl sira ne’ebé responsabiliza kona ba area hodi fó hatene ba sira katak karreta ida ne’e ho xapa matríkula privadu ida ne’e para iha ne’e ha’u mak haruka para duni, ne’ebé karik ema ruma mai husu dehan ha’u mak haruka para. Komesa dadeer to’o meiudia laiha problema maibé to’o iha fali loro kraik tuku 17 :09 señór Deputadu maun boot Mandati telefoni mai ha’u katak se mak fó orientasaun hodi karreta privadu ne’e para iha para iha parlamentu nasionál ne’e, maibé ha’u dehan ba Deputadu ohin ha’u rasik duni mak fó fatin ne’e atu sira bele para karreta ba iha ha’u nia fatin ne’e. Maibé Deputadu ko’alia katak ida ne’e labele ita kontra ona regras, tanba regras hatete karreta privadu labele para iha laran, maibé ha’u (Alex) hatán ba Deputadu katak klaru loos duni, iha sirkulár iha lei advez ko’alia liuliu karreta privadu sira labele tama iha laran no mós karreta governu labele para tama iha laran maibé situasaun mak la hanesan, situasaun hanesan nu’udar umanu iha sentimentu ida bele fó fatin ida ema tanba nia mai hanesan bainaka tan ne’e mak hodi ha’u entrega fatin ba maluk ne’e hodi para nia karreta, maibé ha’u la’ós fó fatin deputadu sira nia ba maluk ne’e lae, fó duni ha’u nian”, haktuir Alex Samurai.

Hodi akalma situasaun ne’e deputadu Mandate hatete ona katak problema ne’e entre aman ho oan no garante katak sei iha solusaun.(Jornalista : Julio Salinas Soares)

Please follow and like us:

NOTÍSIA FOUN

Site Statistics

  • Users online: 9 
  • Visitors today : 527
  • Page views today : 664
  • Total visitors : 79,779
  • Total page view: 111,745

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur