Diariutimorpost

Timor Post (09/11/2020)- Reprezentante UNICEF iha Timor-Leste Falerie Taton despede ho Primeiru Ministru Taur Matan Ruak, iha Palasiu Governu, segunda (09/11).

Iha enkontru nia mandatu ikus Valerie Taton hatete, durante parseria ho governu Timor-Leste, UNICEF iha progresu barak maka atinje iha mós iha dezafiu.

“Progresu ne’ebé mak ita hare mak asuntu ida boot tebes kona-ba Mal Nutrisaun iha Timor-Leste, ne’ebé ida ne’e ita hare iha progresu ne’ebé di’ak maibé balun mós nafatin iha dezafiu barak”, dehan Nia ba Jornalista sira iha Palasiu Governu, segunda (09/11).

Enkuantu kontribuisaun ne’ebé UNICEF halo maka halo peskiza no reduz kazu ma-nutrisaun liu hosi servisu hamutuk ho MInisteriu Saude.

Hodi hakotu Nia akresenta Primeiru Ministru mós agradese apoiu UNICEF durante ne’e ba dezenvolvimentu iha Timor-Leste espesiál durante estadu emerjénsia ba COVID-19.(Jornalista: Jaime Pires)

Please follow and like us: