Notísia foun


Timor Post (09/11/2020)-Bankada opozisaun iha Parlamentu Nasionál hanesan CNRT no PD konsidera programa Sesta Báziku ne’ebé oitavu governu fahe ba komunidade iha territóriu laran hanesan programa bosok povu.

Iha Postu Zumalai, Munisípiu Kovalima relasiona governu distribui pastadente no batar tomak sai kestaun ba deputada Fernanda Lay.

“Ha’u iha pergunta atu husu ba Ministru Kordenador Asuntu Ekinomia (MKAE), Joaquim Amaral, pastadente ki’ik oan ita fahe hotu, durante ne’e ita nia populasaun la kose nehan mak ita boot ka, batar tomak ba komunidade sira liuliu ba ferik ho katuas sira han batar tomak ne’e bele ka lae”, kestiona deputada Fernanda hafoin Komisaun C, D no E halo audiénsia ho MKAE no CCI-TL iha sala plenária Parlamentu Nasionál, Segunda (09/11).

Tuir Lay katak, populasaun presiza ai-han ho osan, se agora Governu fo fali batar tomak ba katuas sira han halo nusa.

Fatin hanesan Deputadu Antonio da Conceição ‘Kalohan’ hosi Bankada Partidu Demokrata (PD), hatete programa ne’e bele dehan di’ak entermu iha tempu, maibé laiha estratéjiku entermu dezenvolvimentu.

Tuir nia situasaun ida ne’e obriga povu dehan aktus governativu ruma la’o netik, maibé governu sai fali hanesan karau inan populasaun buka susu been.

Entretantu Ministru Koordenadór Asuntu Ekonomia, Joaquim Amaral, esplika mekanizmu distribuisaun mak ministériu implementador sira kontratu ho fornesedor.

“Ministériu turizmu komérsiu no indústria mak hanesan implementador ba iha programa nia sei opera iha sentru urbana iha Timor laran tomak”, dehan eis deputadu bankada FRETILIN.(Jornalista : Julio Salinas Soares)

Please follow and like us:

NOTÍSIA FOUN

Site Statistics

  • Users online: 4 
  • Visitors today : 1,064
  • Page views today : 1,360
  • Total visitors : 84,911
  • Total page view: 119,167

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur