Notísia foun


Timor Post (09/11/2020)—Deputadu Parlamentu Nasionál (PN) liuhosi Komisaun D ne’ebé trata ba asuntu Ekonomia No Dezenvolvimentu, Antonino Bianco husu ba Ministériu Agrikultura no Peskas (MAP), atu hasae produsaun rai-laran, para demanda ba merkadu inklui exporta ba rai-li’ur iha tinan 2021.

Prezidente Komisaun D, Deputadu Antonino Bianco, mós iha audiénsia ho Ministru Agrikultura Peskas no Sekretáriu Estadu Peskas, husu ba Ministru atu sosa fini rai liur hodi osan bele sirkula.

“Hosi Komisaun nia esperansa, MAP tenke produs barak ai-han, batar bele produs tonelada ida resin, hare mós bele to tonelada-lima, depois produs ai-han sira seluk ne’ebé durante nee iha, hanesan modo, fehuk roupa, koto no seluk tan, tenke produs aumenta tan, para ita bele kore-an hosi dependénsia hosi produtu mai hosi rai-li’ur”, dehan Bianco.

Osan ne’ebé mak tau hodi sosa fini , sosa de’it produs iha organizasaun agrikultór sira.

“Fini agora ita bele produs mesak, osan ne’ebé mak ita iha, atu apoiu ba ita nia komunidade, osan ne’e la’ós ba sosa fali fini hosi rai-li’ur, ita nia osan ne’e hodi sosa de’it fini ne’ebé asosiasaun agrikultura sira produs, hodi fornese ba sira ne’ebé mak presiza fini atu kuda, ne’ebé ita nia osan bele sirkula”. Deputadu Bankada FRETILIN nee afirma.

Iha fatin hanesan, Vise Ministru MAP, Elídio de Araújo, hatete, iha tinan 2021 MAP husu osan adisionál balun hodi injeta ba hasae produsaun rai-laran, nune’e hadi’a moris di’ak povu nian no dezenvolvimentu nasaun.

“Polítiku Ministériu Agrikultura nian, tenke hasae orsamentu adisiona balun ne’ebé mak sekunda ita nia dezenvolvimentu produtu lokál ita-nia rain, para depois bele fó sustentabilidade ba moris di’ak ita-nia povu no nasaun nian”, subliña Abílio.(Jornalista : Julio Salinas Soares)

Please follow and like us:

NOTÍSIA FOUN

Site Statistics

  • Users online: 2 
  • Visitors today : 1,048
  • Page views today : 1,337
  • Total visitors : 84,895
  • Total page view: 119,144

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur