Notísia foun


Timor Post (04/11/2020) — Kazu omisídiu iha Rai Kotu Comoro Dili dada atensaun públiku nian. Prezidente da Repúblika, Lider nasionál Kay Rala Xanana Gusmão, ema dahuluk ne’ebé kondena aktu asasíniu hamate Domingas Soares ho hakanek nia oan Lindy Moe hosi suspeitu LH iha (30/10).

Parte governu Ministru Justisa Manuel Cárceres, kondena kazu asasíniu ne’e enkuantu prosesu ba kazu ida ne’e Governante informa tama ona ba iha kompeténsia Ministériu Públiku nia no kompeténsia tribunal nian.

“Hanesan Ministru labele tau nia kanuru tohar iha ne’ebá, maibé ita hotu reza para justisa ne’e di’ak, maibé ha’u mós kondena hahalok ida ne’e labele akontese iha ita nia rai hanesan ministru justisa ha’u mós tau matan hela, tanba ha’u kbiit ida liuhosi konsellu koordenasaun ba justisa ne’e bele ko’alia ho prokuradoria jerál da repúblika no Prezidente Tribunal Rekursu hodi hare kazu sira hanesan ne’e” hateten Ministru ba jornalista sira iha Palasiu Governu, kuarta (04/11).

Ministru fiar suspeitu ne’e sei hetan kastigu ida ne’ebé mak todan, tanba agora daudauk ne’e nia iha ona prizaun preventiva no husu ema hotu atu asegura evidénsia labele lakon.

“Ita nia ajuda, ba halo prosesu ne’e la’o di’ak, ita hotu-hotu tenke halibur informasaun liu-liu fó protesaun ba ita nia alin oan ne’e atu evidénsia labele lakon” asegura Ministru.(Jornalista: Jaime Pires).

Please follow and like us:

NOTÍSIA FOUN

Site Statistics

  • Users online: 4 
  • Visitors today : 766
  • Page views today : 990
  • Total visitors : 147,518
  • Total page view: 211,618

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur