Notísia foun


DILI—Polísia Nasionál Timor Leste (PNTL) hamutuk ho komunidade sira ho forsa rejerva halo ona kapturasaun ba mane ida ho inisiál LH idade 38 ne’ebé deskonfia oho inan  Domingas Soares no hakanek matebian nia oan ho naran Lindy Moy.

Kazu ne’e akontese iha loron Sesta 30/10/2020 maizumenus tuku ida madrugada uma Rai Kotu, Suku Madohi, Postu Administrativu Don Aleixo, Munisípiu Dili, iha ona sala detensaun Komandu PNTL Munisípiu Dili.

Komandante Munisípiu Dili, Superintendente Xefe Henrique da Costa , haktuir, suspeitu LH nia feen nu’udar membru polísia. Derepente de’it LH tama ba vítima sira nia uma hodi halo asaun ne’e.

Komandante Henrique dehan, Domingas hetan sona iha parte hirus matan karuk ho kotuk laran mate fatin. No Lindy hetan sona iha parte liman kabas karuk kanek grave.

Komunidade sira rona akontesimentu ne’e ho lalais ba evakua kedas Lindy ba hala’o tratamentu intensivu iha Sentru Saúde Komoro.  Enkuantu inan Polísia Sentifiku Investigasaun Kriminál Nasionál (SIKN) evakua mate isin ba Hospitál Nasionál Guidu Valadares (HNGV) hodi hein prosesu autópsia.

Tuir observasaun Timor Post liu husi imajen ne’ebé hatudu husi Polísia Nasionál Timor-Leste, katak, vítima na’in rua hetan sosa ho tudik modo, no vítima nia inan mate latan iha uma laran la ho roupa no nakonu ho ran.

Matebian nia laen Xinez ida hetan oan feto ida, maibe sira so’e malu ona. Matebian husi Postu Administrativu Kailaku, Munisípiu Bobonaro.

Please follow and like us:

NOTÍSIA FOUN

Site Statistics

  • Users online: 5 
  • Visitors today : 326
  • Page views today : 390
  • Total visitors : 145,964
  • Total page view: 209,362

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur