Notísia foun

Tanente Koronel Kapitaun Fragata João Francisco de Fátima alias “Buka Tuir”

Timor Post (22/10/2020)— Tanente Koronel Kapitaun Fragata João Francisco de Fátima alias “Buka Tuir” molok monu hafoin halo ejersísiu halai dader, iha loron Kinta (22/10/2020), iha Tasi-tolu, João Paulo II, sei ko’alia ho nia dosente husi Universidade da Paz (UNPAZ).

Matebian eskola iha UNPAZ iha Fakuldade Direitu.

Tuir kronolojia, iha dader ne’e Tanente Buka Tuir hafoin hala’o ezersísiu, nia fila atu ba uma sei liuhusi nia dosente nia uma hanesan baibain lori nia isin ba dosente ne’e kumu.

“Nia ba olaraga ne’e sambil ba ninia dosente ida atu kumu nia, bainhira atu kumu derepente de’it. Maibé matebian ne’e sei ko’alia ho nia dosente derepente de’it nia monu nia dosente ne’e hakuak nia lori mai iha klínika Komoro nian,” Matebian nia inan hakiak Emília Francisca haktuir ba Jornalista sira iha Mortuáriu HNGV, Dili.

Emília haktuir, husi ne’e, matebian nia motorista ba tula kedas hodi lori ba klínika. “Depois ninia motorista ba tula ha’u iha uma dehan mana ba lalais komandante monu be lori mai iha klínika Komoro ne’eba. Bainhia ha’u to’o iha ne’eba haree nia iis sei halai, ne’ebé ha’u tun ba haree hanoin nia hanesan moras baibain ne’ebé ha’u ba kaer tiha nia ulun hodi dehan ba nia katak o hader tiha  nusa mak halo hanesan ne’e ha’u ko’alia hotu hanesan ne’e  nia is mos kotu kedas,” inan hakiak ne’e  konta.

Nia haktuir, matebian sofre moras fuan iha tinan kotuk bainhira nia ba eskola iha Universidade da Paz (UNPAZ), sai hosi eskola oras tuku 10 bainhira to’o iha uma karreta para moras ne’e ataka kedas nia.

Nia mos konta katak kada semana loron kuarta ne’e matebian sempre halo kontrola ba nia moras  iha ospital liliu doutor veteranus sira halo chack up ba nia.

Nia dehan, durante matebian ninia kontrolasaun ninia tensaun ne’e tun sae hela de’it ne’ebé ninia ain ne’e mak komplikadu hela de’it tan ne’e mak matebia hakarak olaraga atu halo nia ain ne’e diak normal fali.

Enterantu matebian mate husik hela oan nain 4 feto rua no mane rua. (azu)

Please follow and like us:

NOTÍSIA FOUN

Site Statistics

  • Users online: 2 
  • Visitors today : 1,121
  • Page views today : 1,449
  • Total visitors : 84,968
  • Total page view: 119,256

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur