Notísia foun


Timor Post (14/10/2020)- Primeiru Ministru Taur Matan Ruak, aprezenta projetu deliberasaun ba dezignasaun ba membru administrasaun Sentru Nasionál Chega,IP.

“Ohin Konsellu Ministru aprova ona deliberasaun ida ne’ebé mak aprezenta hosi Primeiru Ministru rasik kona-ba dezignasaun ba membru konsellu administrasaun Sentru Nasionál Chega IP nian” dehan Ministru Prezidensiál Konsellu Ministru Fidelis Magalhães ba jornalista sira iha Palasiu Governu, kuarta (14/10).

Nia aumenta, deliberasaun ba dezignasaun membru konsellu administrasaun sentru nasionál Chega IP. ne’e ba períodu tinan tolu, hahú hosi tinan 2020 to’o 2023.

Ministru esplika  tuir dekretu lei ne’ebé kria institutu públiku IP ne’e delibera ona, nune’e nomeia fali Alzira Sequeira Freitas Dos Reis, ba fali Prezidente Konsellu Administrasaun Sentru Nasionál Chega IP.

Ministru  mós hatete, nomeia mós Felicidade de Sousa Guterres hanesan membru konsellu administrasaun sentru nasionál Chega IP nian ba mandatu durante tinan tolu oin mai, no membru konsellu sira seluk mak iha ré kondusaun ka kontinua fila-fali.

“Membru konsellu sira seluk ne’ebé mak kontinua fila-fali mak hanesan Padre Jovito do Rego hanesan eis komisáriu (CAVR) nian, no mós iha reprezentasaun hosi relijiaun nian” Ministru termina.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 1 
  • Visitors today : 1,051
  • Page views today : 1,340
  • Total visitors : 84,898
  • Total page view: 119,147

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur