Notísia foun


Timor Post (07/10/2020)—Parlamentu Nasionál aprova ona proposta adisionál Tribunál Rekursu no Komisaun Anti Korrupsaun (KAK), ne’ebé aprezenta husi komisaun A hodi foti osan fundu rezerva kontinjénsia hodi selu osan retroativu Juis sira nian no halao programa instituisaun nian.

Votasaun ba pedidu adisionál  Tribunál Rekursu nian, aprovadu liu husi proposta aliterasaun númeru 35 no 37 ne’ebé pasa ho votu  a-favór 39 kontra 0 no abstensaun -19 no proposta aliterasaun  númeru 37 pasa ho votu  a-favór 41 kontra 0 no abstensaun- 18.

Enkuantu  Pedidu adisionál Komisaun Anti Korrupsaun  nian aprovadu liuhusi  proposta aliterasaun númeru  41, ne’ebé pasa ho votu  a-favór 42 kontra 0 abstensaun 17 no proposta númeru 42 pasa ho votu a-favór 42 kontra 0 no abstensaun 17.

Proponente Proposta, Prezidente Komisaun A,  Deputadu Joaquim dos Santos, hatete,  proposta ne’e rezulta hosi audiénsia ne’ebé mak antes ne’e komisaun A halo ho Tribunal Rekursu.

“Prezidente Tribunál Rekursu husu  ba Parlamentu Nasionál atu aprova pedidu ida-ne’e tanba  labele husik ba 2021 , se husik ba 2021  númeru despeza aumenta,”  deklara Joaquim liuhosi plenária,  iha ámbitu diskusaun espesialidade OJE 2020, tersa (06/10).

Joaquin relata konforme razaun sira ne’ebé mak komisaun A simu mak komisaun A mós pur-unanimidade konkorda atu husu ba Parlamentu Nasionál atu aprova Proposta 35 no 37.

Antes ne’e, Prezidente Tribunál Rekursu, Deolindo dos Santos, hatete Tribunál Rekursu husu osan adisionál tokon $ 1 atu korresponde ba nesesidade servisu rutena, pratikamente atu selu  de’it retroativu ba juis, ofisial justisa no funsionáriu sira hodi hetan sira nia direitu, tanba funsionáriu sira ne’e hetan ona promosaun hodi aumenta eskalaun no klase.

“Orsamentu ne’ebé mak governu atribui ba Tribunál Rekursu tokon $ 3-resin, entaun ami halo pedidu adisionál tokon $  1”, hatete Deolindo ba jornalista sira iha PN.(Jornalista: Julio Salinas Soares)

Please follow and like us:

NOTÍSIA FOUN

Site Statistics

  • Users online: 5 
  • Visitors today : 1,250
  • Page views today : 2,094
  • Total visitors : 74,182
  • Total page view: 103,352

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur