Notísia foun


Timor Post (03/10/2020)- Estadu Emerjensia Daneen, sidadaun sira tama ilegal ka’er toman, selu ka multa ba estadu no selu kuarentena rasik.

Ministru Prezidensial Konsellu Ministru, Fidelis Leite Magalhaes hatete, medidas sira jeral ne’e hanesan de’it maibé iha mós buat balun foun.

“Medidas medidas foun mak sidadaun nasional sira ka estranjeiru sira ne’ebé mak tama sai ilegal iha fronteira kuandu hetan, sidadaun ne’e sei selu kuema ka multa entre dolar 30 to’o $250 dolar amerikanu no selu rasik nia kuarentena durante loron 14” dehan Fidelis.

Nia aumenta, ba sidadaun estranjeiru mós hanesan montante selu multa hanesan no selu rasik kuarentina no sei deporta fila ba nia nasaun.

Enkuantu regra foun hirak ne’e aprova hosi reuniaun konsellu ministru extraordinariu, sabadu (03/10) lokraik ne’e iha Palasiu Governu.

Fidelis mós sublina, estadu emerjensia daneen ne’e hafoin Parlamentu Nasionál fó autorizasaun iha sabadu ne’e prezidente dekreta kedas no ohin publika ona iha jornal da republika, maibé hahú aban jam 11 mak foin tama estadu emerjensia daneen.

Jornalista: Jaime Pires

Please follow and like us:

NOTÍSIA FOUN

Site Statistics

  • Users online: 1 
  • Visitors today : 1,338
  • Page views today : 2,264
  • Total visitors : 74,270
  • Total page view: 103,522

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur