Notísia foun


Timor Post (02/10/2020)-Primeiru Vise Prezidente Parlamentu Nasionál no atuál Deputada bankada Partidu Libertasaun Popular (PLP), Angelina Sarmento Lopez hateten projetu 143 balu seidauk hetan pagamentu ne’e sala governu anterior, tanba governu atua  sala hodi atribui projetu ba empreza sira la tuir regra legais.

“Projetu 143 balu seidauk selu tamba ne’e sala governu anterior nian fó projetu ba la tuir regras legais ruma,” deputada Angelina iha intervensaun debate OJE 2020 ba loron daruak iha Parlamentu  Nasionál, Sesta (02/10).

Tuir audiénsia ne’ebé sira halo ho Ministériu Obras Publika (MOP) kontratu sira ne’ebé mak seidauk asina, oras ne’e MOP entrega fali ba KAFI atu bele fó paraser legal hodi fó ba governu atu hafoin governu foti  desizaun ruma, maibé rejultadu inkéritu parlamentár  hetan indísiu barak ne’ebé mak la podia akontese iha ita nia rain.

“Obra barak mak nia natureza ne’e la’ós emerjénsia maibé karater normal, maibé governu obriga  aan”, dehan deputada ne’e.

Nia mós empresta Deputadu CNRT Domingos Carvalho nia liafuan katak Governu obriga aan   hodi kontinua halo ajusta diretu ba kompañia sira hodi viola lei aprovizionamentu artigu 92 númeru 1 aliña a), katak projetu ida konsidera nu’udar kazu urjénsia maibé kuandu situasaun imprevistu ne’ebé tau em risku ba saúde publika ema nian no seguransa mak foin bele halo ajusta direta.

Entretantu projetu 143 ne’e governu selu ona 97 enkuantu 45 hein desizaun hosi Ministériu públiku.(Jornalista: Julio Salinas Soares)

Please follow and like us:

NOTÍSIA FOUN

Site Statistics

  • Users online: 3 
  • Visitors today : 1,146
  • Page views today : 1,669
  • Total visitors : 71,152
  • Total page view: 98,163

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur