Notísia foun


Timor Post (02/10/2020)-Vise Ministru Saúde, Bonifácio Maukoli dos Reis, rekoñese kuarentena Mota Ain, laiha bee tanba agora tama ba iha tempu bai loro naruk.

Maibé atu rejolve problema bee ne’e Maukoli hatete parte ministériu saúde kontaktu ona ministériu obras publika liu hosi Serbisu Agua no Saneamentu atu bele apoiu.

“Loos duni ita hatene bai loro naruk halo bee sira komesa menus, mas hori bainhira ami koordena ona ho SAS atu bele fornese be’e”, informa Maukoli ba jornalista sira iha parlamentu nasionál hafoin partisipa iha debate jeneralidade orsamentu 2020, Sesta (02/10).

Governante dehan MS koordena ona ho MOP liu hosi SAS para fasilita bee ba iha fatin ne’ebá, tanba hakarak  resolve problema  Covid-19 iha rai laran, liuliu  fase liman beibeik.

“Kuandu bee laiha maiske ko’alia barak mós sei labele halo buat ida” dehan Vice MS.

Nia tenik  atu resolve situasaun sira ne’e iha ministériu hotu nia responsabilidade.

“Bee ne’e responsabilidade hosi obras publika liu hosi SAS tan ne’e mak presiza iha koordenasaun para bele fasilita bee”, dehan Maukoli.(Jornalista : Julio Salinas Soares)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 454
  • Page views today : 625
  • Total visitors : 78,965
  • Total page view: 110,692

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur