Notísia foun


Timor Post (01/09/2020)—Komisaun C iha Parlamentu Nasionál ne’ebé trata ba assuntu finansas públika finaliza ona relatóriu paraser ba Oresamentu Jeral Estadu 2020 nota katak mosu erata barak.

“Loos duni ami nota iha livru orsamentu 2020 ne’e mosu mos erata barak depois mak akompaña iha komisaun nia relatóriu,” Prezidente Komisaun C, Maria Angélica Rangel ba jornlaista sira iha Parlamentu  Nasional, Kinta (01/10/2020).

Maria hatete, komisaun C sei aprejenta relatóriu ne’e iha plenária iha parte lorokraik.

“Relatoriu paraser ba OJE 2020 nia konlui ona no halo aprovasaun iha komisaun C ne’ebé inklui mos ho espesilizada hotu, ne’ebé iha parte lokraik tuku 2 : 00 lori ona ba iha plenária,” nia haktuir.

Nia haktuir, rekomendasaun komisaun C barak hanesan baibain katak balu iha estrutura orsamentu governu  koloka laloos, ho mos rekomendasaun balu ne’ebé atu selu dividas naun finanseira ne’ebé iha governu anterior.

No mos rekomendasaun sobre orsamentu ba operasaun ekonomiku ne’ebé tau iha MKAE adivia sira tau iha fundu Covid-19 nian.

“Ida ne’e mak to’o ikus ami konklui ho aprova 10 afabor, kontra 0 no 3 abstensaun,” nia dehan.

Nia hatutan, haree ba iha estrutura orsamentu naturalmente governu halo orsamentu tuir regras ne’ebé konstituisaun no rejimentu haruka, iha balu mos mai ho karakter urjensia tanba orsamentu balu sumbadu iha tinan kotuk entaun balu mai dala ruma ho hakerek laloos no koloka mai estrutura laloos.

“Tan ne’e  ami konkorda malu iha komisaun C hodi submete proposta ba parlamentu halo alterasaun ba anexo, hanesan anexo 1 orsida ita sei haree iha diskusaun ba proposta alterasaun,” nia afirma.

Sikun seluk tuir Deputadu, Arão Noe, hatete orsamentu 2020 ne’e orsamentu ida atu ezekuta deit ba fulan rua tan ba oin.

To’o agora ezekuta orsamentu duodesimal tuir relatoriu ne’ebé iha durante besik fulan 10 ona tokon $ 500, maibe ba fulan rua ne’e governu husu tan orsamentu billiaun $ 1 resin, katak tokon $ 900 atu ezekuta iha fulan rua nia laran.

Ba kapital deznvolvimentu  mais de millaun $ 200, kapital dezenvolvimentu presiza tempu atu halo hanesan tenderizasaun ne’e  presiza tempu minimu ne’e fulan tolu, ne’ebé signifika iha fulan rua nia laran ne’e prosesu tender sei labele hotu.

Tanba ne’e tuir Arão katak dalan diak liu orsamentu ida ne’e husik ba iha 202, ba orsamentu 2020 atu kompleta deit ba fulan rua nia laran ne’e tau deit ba prioridade sira ne’ebé hanesan salariu vensimentu, bens serbisu, transferensia atu selu ema sira direitu inklui ho kapital kiik oan sira, la presiza foti osan ida ho montante boot.

“Ba 2021 mak ita tau planu konkretu ida para bele foti osan, mas se agora ita foti osan ho montante biliaun 1.4 mai depois ita la ezekuta nusa la husik hela osan iha fundu ne’eba para iha fulan ida ka rua nia laran ne’e nia sei bele iha funan, mas komu ita foti agora mak iha fulan ida ka rua nia laran ne’e sei laiha funan,” nia dehan.(Jornalista Julio Salinas Soares)

Please follow and like us:

NOTÍSIA FOUN

Site Statistics

  • Users online: 0 
  • Visitors today : 1,335
  • Page views today : 2,259
  • Total visitors : 74,267
  • Total page view: 103,517

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur