Notísia foun


Timor Post (29/09/2020)-Vise Ministru Interior, Antonio Armindo informa, sidadaun hamutuk (300) Resin ultrapasa ilegalmente Fronteira Terrestre sei submete ba Ministériu Públiku (MP) hodi hola desizaun.

Vise Ministru Interior hato’o kestaun ne’e hafoin partisipa inaugurasaun Postu Seguransa Komandu Jerál PNTL Kaikoli, tersa, 29/09.

Governante ne’e hatete, durante operasaun konjuntu F-FDTL- Polísia Espesiál-UPF ne’ebé halo ba dalan entrada ilegál sira Fronteira Terrestre kaptura Sidadaun sira barak, númeru serteza la fixa. Maibé informasaun ne’ebé atuál Vise MI ne’e simu sidadaun sira kuaze 300 Resin maka Komandu prosesa ona sei relata ba MI para atu lori ba Ministériu Públiku.

“Ita boot sira hatene, liu-liu ba iha sidadaun sira tama sai Ilegál ne’e barak, kuaze mais 300, ne’ebé maka foin dada’un ita nia Komisáriu Polísia fó tiha ona, sei lori ba Ministériu Públiku, “dehan Vise MI Antonio, ba jornalista iha kuartél jerál PNTL Kaikoli, tersa,(29/09).

Antonio adianta númeru sidadaun tama sai Ilegál hetok aumenta tanba operasaun konjuntu iha Fronteira Terrestre kontinua la’o.

“Ha’u labele fó sai dehan katak númeru loloos maka ida ne’e, tanba agora ne’e movimentu ilegál kontinua akontese dala ruma númeru sidadaun Ilegál sira sei sa’e too 400 hanesan ne’e”, dehan Antonio.

Antonio afirma hafoin ekipa Konjuntu kaptura sei entrega ba parte investigasaun depois entrega ba Ministériu interior maka Ministériu Públiku hodi foti desizaun.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 3 
  • Visitors today : 1,295
  • Page views today : 2,174
  • Total visitors : 74,227
  • Total page view: 103,432

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur