Notísia foun


Timor Post (30/09/2020)—Doutór Estevão Corte Real Leong ho idade 40 hetan taa husi nia maun rasik iha aldeia Rialau, Suku Letefoho, Postu Administrativu Same, Munisípiu Manufahi.

Akontesimentu ne’e rejulta Doutór Estevão tenke hetan evakuasaun ba sala emerjénsia Sentru Saúde Manufahi hodi hetan tratamentu intensivu.

Kronolojia husi akontesementu ne’e, iha dadersan maizumens tuku ualu Doutór nia maun ne’ebé durante ne’e infrenta hela moras mental foti katana duni nia no konsege taa iha parte inus, liman ho ain.

Doutór Estevão durante ne’e hala’o servisu iha Sentru Saúde Munisipiu Manufahi.

Diretora Sentru Saúde Munisipiu Manufahi, Florenca Corte Real Tilman haktuir, nia parte labele halo tratamentu no halo ona kontaktu ho aviaun saúde nian hodi evakua ba Hospital Nasional Guido Valadares (HNGV), Dili.

“Ami labele halo atendementu ba doutor Alelo (naran istima) nia kanek no ha’u kontaktu ona ba aviaun husi Dili atu mai tula hodi lori ba Hospital Nasional Guidu Valadares,” Diretora Florenca ba Timor Post iha sala emerjénsia.

Too notísia ne’e fó sai seidauk halo konfirmasaun ho autoridade seguransa hodi hatene kona-ba suspeitu nia paradeiru. (lcl)

Please follow and like us:

NOTÍSIA FOUN

Site Statistics

  • Users online: 6 
  • Visitors today : 549
  • Page views today : 693
  • Total visitors : 79,801
  • Total page view: 111,774

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur