Diariutimorpost

Timor Post (28/09/2020)- Adjunta Prezidente Rejiaun Espesiál Ba Ekonomia Sosiál no Merkadu Timor-Leste, Rejiaun Administrativa Espesiál Oekusi Ambenu(sigla-Portugés- ZEEMS-TL-RAEOA), Leonia Monteiro rekoñese, Aeroportu Internasionál Rota de Sandalo Oekusi seidauk hatama resita ba estadu, tanba konstrusaun foin hahú.

“ita hotu hatete katak Aeroportu, Internasionál Sandalo iha Oekusi Ambeno, resita ita dehan seidauk hatama ba estadu tanba konstrusaun foin hotu no ita mós seidauk halo investimentu públiku ba iha Aeroportu”, hatete Leonia hafoin halo aprezentasaun proposta adisional OJE 2021 iha Ministériu Finansas, Ai tarak Laran, segunda (28/09).

Sekretaria akresenta  iha planu atu halo no hetan mós konsiderasaun hosi Primeiru Ministru, Ministériu Obras Publika no Ministériu Transporte no Komunikasaun atu bele  ona sertifikasaun internasionál ba Aeroportu, atu nune’e  bele halo ona investimentu públiku.

 “Halo ona investimentu públiku ba iha Aeroportu internasionál iha Oekusi maka foin bele hetan reseita ba estadu” subliña Monteiro.

Eis Xefe Gabinete MAE fó sai, manutensaun ba aeroportu  ne’ebé harii ho orsamentu $119 millaun dolar amerikanu refere oras ne’e kontinua la’o hela, inklui liña eletrisidade hodi asegura no mantein nia kualidade.

Leonia Monteiro informa proposta orsamentu adisional OJE 2021 ba ZEESM-RAEOA, hamutuk 30 milioens ba despeza  bens servisu, saláriu vensimentu, kapitál menór no  transferénsia publika. Enkuantu total saldo ne’ebé antes ne’e RAEOA-ZEESM iha hela hamutuk 127 miloes.(Jornalista: Jaime Pires)

Please follow and like us: