Notísia foun


Timor Post (16/09/2020)—Iha fulan hirak ikus ne’e mosu polémika kona-ba situasaun polítika rai laran bele fó impaktu ba Timor Leste atu foti osan husi fundu petrolíferu ne’ebé rai iha Banku Federal Amérika. Polémika ne’e dudu Jornalista timoroan sira soe pergunta ba Prezidente Repúblika Francisco Guterres Lú Olo, maibé infelizmente Xefe Estadu ne’e fó de’it resposta ho hamnasa.

Tuir mai klarifikasaun husi Konsilleru Konsellu Konsultivu Fundu Petrolíferu (KKFP), Juvinal Dias.

“Ha’u la fo atensaun ba polítika partidária sira nia konfrontasaun, tanba ne’e la’ós ha’u nia urusan. Ha’u nia urusan mak hala’o kna’ar nu’udar konselleiru iha KKFP ho responsabilidade atu hatete buat lolo’os, ba los mai los no fo hanoin ba Ukun Nain sira hodi uza Fundu Petrolíferu ba povu nia moris di’ak,” Juvinal Dias subliña iha nia Pájina Facebook, iha loron 15/09/2020.

Juvinal hahú esplika kona-ba tanba-sá Timor Leste bele foti osan iha Banku Federal Amérika.

“Ita nia fundu ne’e nia natureza nee aset “likidu” (bisa dicairkan) katak Timor Leste nu’udar nain ba nia osan ne’e bele “mencairkan” aset ne’e kualker tempu bainhira iha ona permisaun hosi Parlamentu Nasional.

Nia dehan, Lei Fundu Petroliferu dehan katak, levantamentu Fundu Petrolíferu ne’e so ba konta únika Orsamento Estadu no nia montante labele liu hosi ida ne’ebé parlamentu aprova. Hanesan lei seluk, Fundu Petrolíferu ne’e bele foti bainhira OJE ne’e promulgadu ona.

“Maske nune’e, fundu la’ós otomatis cair bainhira OJE promulgadu, maibé iha nia prosedimentu balu ne’ebé tenke halo tuir. Katak hafoin promulgadu, Ministeriu Finansa tenke haruka pedidu levantamentu Fundu ba Banku Sentral, no Banku Sentral nu’udar jestor operasional Fundu Petrolíferu husu pencairan ba Banku Federal Amérika bazeia ba montante ne’ebé Ministeriu Finansa husu, no montante ida ne’e tenke ekivalente ho ida ne’ebé Parlamentu aprova,” Juvinal subliña.

“Ne’e atu dehan de’it katak bainhira aset ne’e sei “likidu” hela, ita bele foti, depende ba permisaun Parlamentu nian ho pasu sira hanesan ha’u mensiona antes. No depende ba Ministeriu Finansa nia servisu, se nia la husu, entaun la cair. Simples de’it,” nia hatutan.

Karik OJE aprova maibé osan labele cair, ne’e posivel ka lae? Juvinal hatete, ne’e posivel kuandu Ministeriu la prosesa pedidu levantamentu nian to’o periodu “sistema pagamentu” Governu nian taka ona. Baibain depois 15 Novemberu pagamentu foun ba projeitu foun labele halo ona.

Pergunta seluk mos, posivel Amérika la autoriza Fundu Petrolíferu ne’e cair? Resposta mak “bainhira ita nia aset ne’e sei likidu, Banku Federal Amérika labele bandu, tanba nain ba aset mak Timor-Leste, la’ós Amérika”.

Maibé, Konsilleru KKFP ne’e salienta, Fundu Petrolíferu labele mai kuandu Amérika bele halo freezing ka bekukan ka halo ilikidu tiha aset Timor Leste nian. “Maibé, buat ha’u kumprende ne’e, ne’e la’ós buat fasil ida tanba presiza sirkumtánsia sira ne’ebé extraordináriu tebes”.

Juvinal dehan, impasse polítika rai laran nian ne’e seidauk to’o atu halo Amérika atu bekukan asset Timor Leste nian. Baibain pembekuan asset ne’e akontese, implika kedas embargo ekonomia mos sae kedas.

Nia haktuir, iha esperiénsia rai balun nian, bainhira liga ho ho Fundu Petrolíferu no kontrolu finanseiru ne’ebé nasaun boot sira hanesan Amérika halo baibain mak pembekuan asset ne’e sempre iha relasaun ho sira nia interese polítika no ekonomia nian. Nunee, serake Timor Leste nia situasaun agora ne’e fo ona ameasa ruma ba sira?

“Buat ha’u kumprende mak ne’e, bainhira pembekuan asset ne’e akontese bainhira ita nia fundu ne’e ita uza atu finansia grupu terorizmu, narkótika, brankamentu kapital ka atividade seluk ne’ebé kontra polítika Amérika,” nia subliña.

“Ka iha kerusuhan boot, kudeta militar ka ditadura ida ne’ebé hamate demokrasia no iha tempu ne’ebé hanesan Amérika prefere Governu foun ida, entaun pembekuan (konjelamentu) asset nu’udar forma polítika ida atu halo pelemahan ba governu atual atu mundur,” Juvinal hatete.

“Atu taka, asuntu ne’e ha’u mensiona iha leten ne’e diferente ho regra sira kona-ba RSE 3% ne’ebé Lei Fundu Petroliferu ko’alia,” Juvinal hakotu. (cao)

Please follow and like us:

NOTÍSIA FOUN

Site Statistics

  • Users online: 1 
  • Visitors today : 529
  • Page views today : 698
  • Total visitors : 77,905
  • Total page view: 109,163

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur