Notísia foun


Timor Post (09/092020)-Akademista hosi Universidade Nasionál Timor Lorosa’e (UNTL), Julio Aparício, hatete atu evita konflitu presiza entidade hotu serbisu hamutuk tanba seguransa ne’e responsabilidade ema hotu nian.

“Ha’u hanoin seguransa iha ema hotu nia liman la’ós de’it ba polisia, ne’ebé atu evita problema ka konflitu ruma labele mosu ne’e presiza entidade hotu povu tomak estrutura tomak iha munisípiu, postu suku tun to’o aldeia serbisu hamutuk hodi nune’e bele garante seguransa, tanba seguransa ne’e ema hotu nia responsabilidade,” informa Aparício ba Timor Post iha nia knar fatin Kampus UNTL Kaikoli, Dili Kuarta (09/09).

Nia reforsa autoridade lokál mós iha power ida ne’ebé atu kuidadu estabilidade bairru laran ka aldeia to’o suku tan ne’e presiza serbisu hamutuk entre entidade hotu.

Alende ne’e nia subliña seguransa ne’e responsabilidade ema hotu nian, inklui akademista, membru parlamentu nasionál, governu, komunidade baibain. Enkuantu Polisia ne’e atu garante, kontrolu no tau matan la’ós loron kalan polisia tenke la’o tuir ema ida-idak hanoin ne’e lae.

“Ema hotu presiza serbisu hamutuk ho autoridade lokál, polisia hodi garante seguransa ba estabilidade nasionál no iha Bairru ida-idak no suku ida-idak nian”, dehan Aparício.(Jornalista Julio Salinas Soares)

Please follow and like us:

NOTÍSIA FOUN

Site Statistics

  • Users online: 7 
  • Visitors today : 1,123
  • Page views today : 1,629
  • Total visitors : 71,129
  • Total page view: 98,123

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur