Notísia foun


Timor Post 08/09/2020- Cristino Ronaldo sempre hamrook ba susesu. Foin temporada 2 ho Juventus rekorde 5 maka nia harahun iha Serie A no agra sai figura importante iha Juventus.
Jogadór ho altura 187 cm ne’e hafoin dada-an hosi Real Madrid iha 2018 adapta estilu jogu Juventus nian lais de’it. Ronaldo marka golu 52 hosi jogu 56 iha Serie A durante hatais uniforma Juventus iha époka rua.

Golu hirak ne’e reforsa argumentu jogadór di’ak liu iha mundu maka Cristiano Ronaldo.

Iha Serie A époka 2019/20 Ronaldo hodi La Vecchia Signora ba primeiru kampiaun. Tanba fera rekorda barak, vensedor balon d’Or 5 ne’e sai idolu foun ba públiku iha Estádiu Allianz. Rekorde sira ne’ebé Ronaldo fera iha sidade Turin maka hanesan tuir mai;

1. Liurai Golu Portugés
Inisia Juñu liubá Ronaldo susesu marka golu ida hafoin Juventus halakon Bologna 2-0. Golu ne’e halo jogadór idade 35 refere susesu kruza lendáriu Portugés Rui Costa selesaun portugés ida ne’ebé marka golu barak iha Serie A antes. Eis jogadór Real Madrid ne’e mós sai úniku jogadór Portugal ne’ebé marka hattrick iha istória Serie A.

2. Marka Golu Barak Tui-Tuir Malu iha Serie A
Ronaldo konsege muda rekorre David Trezeguet iha Juventus. Ronaldo hodi rua hakat liu Trezeguet iha jogu 11 tui-tuir malu. Alende ne’e Ronaldo mos marka golu hanesan Fabio Quagliarella (2018/19) no Gabriel Batistuta (1994/95) iha jogu 11 tui-tuir malu ho marka golu barak.

3. Marka Golu Barak Iha Époka Ida
Juventus antes ne’e involve jogadór estrela Eropa sira barak hanesan Alessandro Del Piero no Michel Platini sira. Maibé jogadór sira nein ida susesu muda rekorde Felice Borel. Momentu ne’eba Felice marka golu 37 iha époka (1993/94) nia laran. Liu tiha tinan 86 maka foin Ronaldo halo rekor ne’e hanesan ho Felice Borel ho golu 37 iha époka 2019/20.
Hosi kuantidade golu ne’e maka halo jogadór númeru 7 ne’e maka marka golu barak liu durante époka ida hamutuk ho Juventus.

4. Marka Golu 30-resin iha Liga Topu Europa
Cristiano Ronaldo sai maiór markadór tempu ba tempu hafoin marka golu rua ba redi Lazio. Grasa golu 2 ne’e maka halo nia kompleta golu 30 no marka istória nu’udar jogadór ne’ebé sempre marka golu to’o 30 iha liga topu eropa hanesan Primier League, La Liga no Serie A.
Vensedor Ballon d’Or 5 ne’e sei iha Manchester United marka golu 31 iha Premier League (2007/08) muda mai fali Real Madrid marka rekor dalas 6 iha La Liga ho golu 30 no hamutuk ho Juventus iha iha 2018 marka golu 30 iha Serie A 2019/20.

5. Jogadór ne’ebé lais liu marka golu 50 iha Serie A.
Dala ida tan Ronaldo fera rekordes Andriy Shevchenko. Jogadór Shevchenko vítima tanba lakon ninia gloriozu hosi Ronaldo. Shevchenko momentu sei hatais farda AC Milan, altura ne’eba susesu marka golu 50 iha jogu 68 ne’ebé nia partisipa. Maibé, Ronaldo ho de’it jogu 61 konsege marka golu 50 iha Serie A(fontes:ronaldo.com, transfermarkt.com)

Please follow and like us:

NOTÍSIA FOUN

Site Statistics

  • Users online: 1 
  • Visitors today : 1,331
  • Page views today : 2,253
  • Total visitors : 74,263
  • Total page view: 103,511

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur