Notísia foun


Timor Post (03/09/2020)- Ministro Obras Publika, Salvadór Pires hatete, Preokupasaun Kay Rala Xanana Gusmão nia ba naran Ponte Laleia ne’e atu anula tenke mai fali hosi konsellu ministru tanba antes ne’e aprova hosi ne’ebá.

Lider Karismatiku Kay Rala Xanana Gusmão preokupa ho Ponte Laleia Munisipiu Manatutu ne’ebé mak antes ne’e governu liu hosi konsellu ministru aprova hodi hanaran Nelson Mandela, maibé lider rezistensia ne’e prefere hakarak tau ponte ne’e nia naran Dom Martinho Lopes.

Hafoin ida ne’e jornalista sira konfirma ho ministru obras publika Salvador Pires hatan, naran ponte ne’e aprova ona no publika ona iha jornal da republika entaun ponte ne’e naran Nelson Mandela ona, maibé Preokupasaun Kay Rala Xanana Gusmão nia hakarak tau naran Dom Martinho Lopes entaun anula ne’e tenke mai fali hosi konsellu ministru.

“Ha’u seidauk simu karta kona-ba ida ne’e maibé iha ona karta hosi Primeiru Ministru parese iha ona karta maibé ha’u seidauk cek, maibé ida ne’e desizaun hosi konsellu ministru” dehan Salavdor ba Jornalista sira iha Palasiu Governu.

Nia esplika, maibé antes ne’e proposta hosi Eis Prezidente Republika José Ramos Horta mai iha Primeiru Ministru no tun ba ministeriu obras publika atu nomeia ponte ne’e naran Nelson Mandela entaun proposta ne’e mai hosi José Ramos Horta.

“Momentu mai foti desizaun ne’e iha konsellu ministru entaun agora atu anula fali entaun mai fali hosi konsellu ministr maibé sei kordena ho gabinete primeiru ministru” tenik Nia.

Tanba momentu ne’e rezolusaun aprovadu hosi KM no publika ona iha jornal republika entaun ne’e naran Nelson Mandela ona.

Maibé kona-ba asuntu ne’e nia parte seidauk simu karta ruma hosi Kay Rala Xanana Gusmão hodi anula fali naran Ponte Laleia ne’e.

“Ha’u seidauk simu maibé ohin konsellu ministru ita to’o lokraik entaun parese karta ohin ba ona karik ha’u la hatene, maibé hakarao muda fali ba ha’u ne’e konforme de’it laiha buat ida” Nia hakotu.

Jornalista: Jaime Pires

Please follow and like us:

NOTÍSIA FOUN

Site Statistics

  • Users online: 2 
  • Visitors today : 421
  • Page views today : 571
  • Total visitors : 78,932
  • Total page view: 110,638

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur