Notísia foun


Timor Post (03/09/2020)- Primeiru Ministru Taur Matan Ruak hatete, governu husu ba Prezidente Republika atu estende tan Estadu Emerjensia ba dalimak tanba kazu foun pozitivu covid-19 agora rua.

“Iha mundu 206 pais mak hetan moras ne’e numeru afetadu ultrapasa 25 milloes maibé mate ultrapasa ona 800 ital mill abitais” dehan Taur iha Plenaria Parlamentu Nasionál hafoin diskusaun ba estensaun estadu emerjensia ba dalimak, kinta (03/09).

Xefe Governu hatutan iha reziaun Asian no pais vizinu kresimentu moras ida ne’e sa’e maka’as no risku kontajen ba komunidade sira.

Taur hateten tempu ba tempu nasaun rekorde estadu emerjensia hodi limete direitu no liberdade sidadaun sira nia, ezerse maior kontrolu no identifikasaun ba kazu sira liu-liu iha fronteira sira, no reforma medida sanitaria no medida karentina obrigatoriu ba infetadu sira evita kontajiu komunitariu iha populasaun sira nia le’et.

Tuir nia katak esforsu sira ne’e ita nia objetivu ida de’it ida deteta kazu importadu no kura, rua impede kontajiu ba komunidade sira nia le’et tolu salva vida evita ema mate, mezmu hanesan ne’e TL iha 27 kazu, 25 rekoperadu no iha rua mak ativu no rua ne’e mosu hotu iha fulan Agusto ne’e,
Ho kondisaun ne’e maka Primeiru Ministru hatete governu deside husu dala ida tan ba Prezidente Republika atu halo estensaun estadu emerjensia ba dala lima depois de remata EE dala haat nia iha loron aban sesta (04/09).

Tuir nia objetivu mak oinsá atu reuni nafatin kondisaun kapasidade hotu evita kontajiu iha komunidade sira nia le’et.
Se ita konsege ida ne’e, ne’e ajuda ita atu labele hetan mate iha ita nia rai, tanba ne’e prezidente parlamentu nasional no deputadu deputada sira, governu hakarak reforsa pedidu ne’ebé mak prezidente republika halo hodi husu atu parlamentu nasionál fó autorizasaun ida hodi dekreta estadu emerjensia ba dalimak” nia hakotu.(Jornalista: Jaime Pires)

Please follow and like us:

NOTÍSIA FOUN

Site Statistics

  • Users online: 1 
  • Visitors today : 1,043
  • Page views today : 1,511
  • Total visitors : 146,681
  • Total page view: 210,483

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur