Notísia foun


Timor Post (03/09/2020)- Ministru Defeza no Seguransa Filomeno Paixão hatete, Maijor Jeneral Lere Anan Timur hatun Forsa Defeza Timor-Leste (F-FDTL) ba iha Angela Freitas nia uma ne’e atu antesipa de’it.

“Sim hatun forsa ba iha Rezidensia Angela Freitas nia uma tanba, iha boatus dehan sira atu hatun Prezidente ho kilat dehan forsa ho polisia mós balun envolvidu, ha’u fiar katak jeneral Lere antesipa de’it no nia iha razaun ne’e mak hatun forsa ba iha ne’ebá” dehan Nia ba jornalista sira iha Parlamentu Nasionál kinta (03/09).

Nia esplika, maibé to’o agora ema ida seidauk ka’er ema ida ne’ebé lalika halo tan espekulasaun ida ne’ebé mak boot.

Kona-ba ida ne’e tuir loos servisu PNTL nia mak halo atuasaun Paixão hatan, “ne’e loos maibé ita boot sira sei hanoin ka la’e tinan hira ba kotuk buat pistola rua de’it mós F-FDTL mak ba kaer hotu, apalagi kilat tanba 2006 no 2015 Mauk Moruk nia ne’e pistola rua de’it ne’e mós haruka F-FDTL mak ba hotu” tenik Nia.

“Ne’ebé ami tauk keta halo ba agora kilat boot ida mosu tan iha ne’e karik, tanba ema hakerek surat mak so’e, ne’ebé jeneral halo medida ne’e di’ak” nia esplika.

Maibé nia sei tetu no sei hatan ba buat hirak ne’e hotu ba desizaun ne’ebé mak hatun.

“Governu liu hosi ministeriu Defeza politikamente laiha orentasaun, maibé mosu beibeik hanesan arte marsial no manifestasaun F-FDTL sempre tekin PNTL maibé iha buat balun karik bele husu direita ba Jeneral Lere” nia Hakotu.

Jornalista: Jaime Pires

Please follow and like us:

NOTÍSIA FOUN

Site Statistics

  • Users online: 3 
  • Visitors today : 699
  • Page views today : 1,034
  • Total visitors : 73,631
  • Total page view: 102,292

PUBLISIDADE

KLIK IHA NE'E

KLIK IHA LOGO CNRT: Kayrala Xanana Gusmão Hakerek Karta ba Maijor Jeneral Lere Anan Timur